Lesið  á loftinu er endurvakinn viðburður í Hannesarholti, þökk sé  sjálfboðaliðum úr röðum Hollvina Hannesarholts. Yrsa Þöll Gylfadóttir  rifhöfundur býður lestur á loftinu sunnudaginn 8.nóvember kl.13.

Yrsa skrifar um þessar mundir bókaflokk sem nefnist Bekkurinn minn og  er ætlaður börnum sem eru að stíga sín fyrstu skref í lestri upp á  eigin spýtur. Iðunn Arna er myndhöfundurinn. Útgefandi er Bókabeitan.  Sögurnar fjalla um íslenskan bekk í grunnskóla og er hver saga sögð út  frá sjónarhorni eins nemanda. Bækurnar höfða til fjölbreytts aldurshóps  og endurspegla raunsætt fjölmenningarlegt og nútímalegt líf barna á  Íslandi.

Fyrsta bókin nefnist Prumpusamloka og fjallar um fyrsta skóladag  Nadiru, sem nýflutt er til Íslands. Önnur bókin nefnist Geggjað  ósanngjarnt! og fjallar um Bjarna Frey, sem strýkur úr frístund ásamt  félaga sínum. Á næsta ári bætast fleiri bækur við og fáum við smátt og  smátt að kynnast öllum í bekknum.

Auk Bekkjarbókanna kom nýverið út eftir Yrsu skáldsagan Strendingar –  Fjölskyldulíf í sjö töktum (Bjartur, 2020). Yrsa hefur áður skrifað  skáldsögurnar Móðurlífið, blönduð tækni (Bjartur, 2017)  og Tregðulögmálið (Sögur, 2010).

Yrsa starfar sem rithöfundur, kennari, þýðandi og leiðsögumaður. Yrsa er gift, á þrjú börn og kött og býr í Vesturbænum.

Lesið á loftinu - Yrsa Þöll Gylfadóttir

Ingbjörg Dalberg heldur sýningu á nýjum olíumálverkum í Hannesarholti,  sem hún hefur málað í framhaldi af ferðalögum um landið á síðustu  tveimur árum. Sýningin nefnist UM LANDIÐ og er sölusýning. Myndirnar eru  fyrst og framst stemningsmyndir af upplifun ferðalangs. Sýningin  stendur frá 20.nóvember til 10.desember. Áhugasamir hafi samband við  Hannesarholt til að bóka heimsókn á sýninguna. Sími 511-1904.

Ingibjörg nam og lagði stund á myndlist og listasögu í Englandi, þar  sem hún bjó um árabil, (National diploma Found, Higher Ed.Art and  Design, London og Hull College of Further Ed.) auk þess að sækja  margvísleg námskeið þekktra listasafna eins og Tate Modern í London.  Einnig nam hún myndlist í París (École Nationale Supérieure des  Beaux-Arts), auk þess að sitja námskeið á Íslandi í Myndlistarskóla  Reykjavíkur, Myndlistarskóla Kópavogs og Listabraut FB.

Inga lauk BA prófi í sagnfræði með listfræði sem aukafag frá Háskóla  Íslands og var viðfangsefni lokaritgerðar hennar: „Brot úr sögu smámynda  á Íslandi. Upphaf og endalok 1770-1840“ tengt órannsökuðum anga í sögu  myndlistar hér á landi.

Með hléum hefur inga starfað við listmálun og vinnur ýmist við stór  óhlutbundin verk til jafns við fígúratívar myndir. Einkum eru það  andlitsmyndir / portrett, með áherslu á raunsæi, sem hafa verið  meginviðfangsefni undanfarin ár.

Hannesarholt  býður söngstundir í beinu streymi alla sunnudaga kl.14 á meðan  veiruvandinn geisar. Sunnudaginn 15. nóvember stjórna stundinni Margrét  Pálsdóttir og Ársæll Másson. Þau flytja gjarnan ýmis lög sem fólk syngur  þegar það kemur saman og skemmtir sér.

Bæði hafa þau fengist við tónlist frá unga aldri og saman hafa þau  brallað ýmislegt á tónlistarsviðinu. Margrét stjórnar til dæmis  Múltíkúltíkórnum, fjölþjóðlegum sönghópi kvenna, og Ársæll hefur leikið á  gítar við ýmis tækifæri og með alls kyns hljómsveitum, svo sem  Stórsveit Reykjavíkur og Bítilbræðrum.

Hannesarholt hlúir að sönghefðinni með því að bjóða uppá fjöldasöng í  Hljóðbergi tvisvar í mánuði alla jafna og fær til þess ólíka söngfugla.

Söngkonan Hera Björk ætlar, ásamt góðvini sínum og gleðigjafanum  Benna Sig, að halda uppi söngleðinni sunnudaginn 8.nóvember. Saman munu  þau syngja með okkur sín uppáhaldslög við dillandi harmonikkuundirleik.  Heru Björk þekkjum við flest eftir áralangan feril hennar sem söngkona  þar sem hún hefur komið víða við, sungið með hljómsveitum, kórum, tekið  þátt í söngleikjum, sjónvarpi, Eurovision ofl ofl.! Benna þekkja færri  þó hann sé vissulega heimsfrægur á Vestfjörðum:) Benni, eða Benedikt  eins og hann heitir, hefur skemmt og stýrt viðburðum hið vestra og víðar  í áratugi en nemur nú Guðfræði við Háskóla Íslands auk þess að vera  umboðsmaður og tónleikahaldari. Og þar sem Benni verður brátt Séra að þá  steinliggur nafnið á þennan dúett og við bjóðum því velkomin dúettin  Séra Hera.

Syngjum Saman með Heru Björk og Benna Sig

Þessi  sýning er hugmyndalega tvískipt milli tveggja rýma í Hannesarholti en  heildrænt skyld hvað efnisnotkun varðar. Sameiginlegur uppruni verkanna  eru skissur sem hættu við að verða drög að einhverju og vildu standa sem  fullbúin sjálfstæð verk. Myndirnar eru gerðar með ýmsum tegund­um lita  og efna en öll eru þær á pappírsgrunni.

1 Hringurinn, hið fullkomnasta form, hefur fylgt  mannkyninu frá upphafi og er einskonar vöggugjöf til allra og alls ekki  eingöngu listafólks. Ég er þá að vísa til þess að algengast er að það  fyrsta sem hvert mannsbarn sér eftir fæðingu eru augasteinar.  Hringformið er allt um lykjandi frá hinu stærsta sem við sjáum í  himingeimnum til hinna smæstu öreinda. Hringurinn er virkur í vísindum  og tækni. Hringurinn á sér endalausar birtingarmyndir í hugmyndaheimi  mannkyns og hefur táknræna merkingu í heimspeki, trúarbrögðum, dulspeki (mysticism), goðsögnum (mythology), öllum listum og þannig mætti lengi telja.

Hér á sýningunni birtist hann hverjum og einum til eigin upplifunar og túlkunar.

2 Línan, sem getur verið tákn kyrrðar og  stöðugleika, getur einnig myndað og búið til öll form, bæði geometrísk  og lífræn. Línan, bæði hugsuð og teiknuð, er til dæmis einhver  upprunalegasta leið okkar til þess að skýra fyrir okkur heimsmyndina og  skrásetja, teikna upp og skipuleggja umhverfi okkar.

Hér á sýningunni birtast línur hverjum og einum til eigin upplifunar og túlkunar.

Erlingur Páll Ingvarsson (1952) er starfandi listamaður í  Reykjavík. Hann stundaði nám við Myndlista- og handíðaskóla Íslands árið  1974-1978. Eftir það fór hann í framhaldsnám til Hollands í De Vrije  Academie Den Haag með búsetu í Amsterdam og síðan til Þýskalands í Den  Stadtliche Kunstacademie, Düsseldorf. Erlingur Páll hefur að baki 8  einkasýningar og nokkrar samsýningar. Listformið hefur spannað vítt  svið: meðal annars skúlptúr, innsetningar, gjörninga, ljósmyndir og  texta, en hann hefur nú um langt skeið notað málverk sem sinn helsta  miðil. Sýningin er tileinkuð hljómsveitinni Gula sólin mamma.

Erlingur Páll Ingvarsson - Gula Sólin Mamma

Gunnar  Guttormsson gaf út fyrr á þessu ári ljóðakverið „Á víðum völlum“ sem  inniheldur þýðingar á norrænum sönglögum. Á þessarri kvöldstund verða  flutt nokkur sönglög við þýdda texta úr ljóðakverinu.

Gunnar raular nokkrar söngvísur við undirleik Björgvins Gíslasonar  gítarleikara, Páls Einarssonar bassaleikara og Reynis Jónasonar  harmonikkuleikara.  Einnig syngur tvöfaldur kvartett úr Karlakór  Reykjavíkur nokkur lög við ljóð sem Gunnar hefur þýtt fyrir kórinn.  Stjórnandi er Friðrik S. Kristinsson.

Í formála að ljóðakverinu kemst Gunnar m.a. svo að orði:

Það er alþekkt að fólk sem lætur af störfum finni sér eitthvað til að  dunda við á efri árum. Meðal þess sem ég tók mér fyrir hendur eftir  starfslok 2001 var að reyna að þýða eða endurkveða söngljóð af ýmsu tagi  og þá gjarnan ljóð sem sótt eru til frændþjóða okkar á öðrum  Norðurlöndum. – Í félaginu Vísnavinir sem löngu er aflagt og síðar í  norrænu samstarfi af ýmsum toga, kynntist ég ýmsum þessara söngva. Sama á  við um þátttöku í starfi ýmissa blandaðra kóra, þ.á m. Óperukórsins. Í  Karlakór Reykjavíkur hef ég verið frá 1968 og starfað með Eldri félögum  kórsins um 40 ára skeið. – Allt hefur þetta átt sinn þátt í því að beina  huga mínum að norrænum söngljóðum.

Söngvar úr ljóðakverinu "Á Víðum Völlum"

Björn  Traustason er listamaður sem notar teikninguna sem sinn helsta miðil.  Hann teiknar einkum vélar, en hann hefur haft sérstakan áhuga á  hverskyns vélum frá barnæsku, landbúnaðartækjum, gröfum og dráttarvélum  og flugvélum. Áhugann á flugvélum hefur Björn fengið frá föður sínum og  afa, sem báðir hafa átt og flogið litlum flugvélum og er Björn því vel  kunnugur slíkum vélakosti. Á ferðum sínum um Ísland tekur Björn ætíð  ljósmyndir af vélum, sem hann nýtir þegar heim er komið til þess að  teikna eftir, ekki síst til þess að halda til haga mörgum af þeim  nákvæmu þáttum, s.s. heiti, númerum og litasamsetningum, sem sjá má á  myndum hans. Hann safnar einnig litlum eftirmyndum af vélum úr plasti  eða málmi, sem hann notar til að teikna eftir.

Björn teiknar með blýanti og litblýanti en þannig nær hann að koma  mikilvægum smáatriðum til skila, auk þess sem hann getur haft litina og  pappír með sér hvert sem er. Hann er afar iðinn við teikninguna og  skipta teikningar hans líklega hundruðum. Í Hannesarholti má sjá tuttugu  nýlegar teikningar hans.

Það er við hæfi að einkasýning Björns eigi sér stað í Hannesarholti,  fyrrum heimili Hannesar Hafstein, sem var stórbrotinn stjórnmálamaður og  framsýnn athafnamaður er beitti sér fyrir mörgum framfaramálum í  landinu og var maður framkvæmda. Hannes var sem kunnugt er fyrsti  ráðherra Íslands og sinnti því embætti á árunum 1904-1917. Hannes lést  skömmu áður en framfarafólk á Íslandi hóf að nota þann vélakost er Björn  Traustason sýnir okkur í listaverkum sínum. Ætla má að Hannes hefði  orðið hrifinn af þessum vélum og þeim framförum í landbúnaði og á öðrum  sviðum samfélagsins, sem þær höfðu í för með sér.

Sýningin er á vegum listahátíðarinnar List án landamæra, listahátíðar fatlaðra.

Hannesarholt – Grundarstíg 10 – 101 Reykjavík

Vegna samkomutakmarkana er veitingahús Hannesarholts ekki opið þessa  dagana, en velkomið er að hafa samband og koma til að sjá sýninguna.  Hringið í síma 511-1904 eða sendið tölvupóst í síma 511-1904.

Sýning Björns Traustasonar verður opin til og með sunnudegi 30. október 2020.

Sýningarýmið er því miður óaðgengilegt fyrir fólk með hreyfihömlun. Fimm tröppur.

List án landamæra 2020 er stutt af Mennta- og menningarmálaráðuneytinu, Reykjavíkurborg og Öryrkjabandalaginu-ÖBÍ.

Dúó Edda er nýstofnaður dýnamískur hópur sem samanstendur af tveimur  ungum og efnilegum hljóðfæraleikurum sem eru báðar starfandi á Íslandi.  Vera Panitch á fiðlu og Steiney Sigurðardóttir á selló. Fyrstu tónleikar  Dúó Eddu voru í Eldborgarsal Hörpu vorið 2020. Þær hafa nú þegar mikið  af spennandi verkefnum og tónleikum hérlendis og erlendis á döfinni  fyrir næsta vetur. Dúóið heldur streymistónleika í Hljóðbergi  Hannesarholts mánudaginn 19.október kl.16.

Vera Panitch, fædd 1993 í Kaupmannahöfn, hóf fiðlunám hjá Arkadi  Zelianodjevo. Árið 2005 fluttist hún til Seattle og hélt þar áfram námi  með fiðluleikaranum Yuriy Mikhlin. 15 ára gömul hóf hún nám við Det  Kongelige Danske Musikkonservatorium hjá fiðluleikaranum Alexandre  Zapolski og lauk þar meistaranámi og sólistarnámi með hæstu einkunn. Við  nám í Kaupmannahöfn lærði hún einnig kammermúsik undir Tim Frederiksen.  Vera hefur unnið til verðlauna í mörgum keppnum í Danmörku og í  útlöndum. Árið 2016 vann Vera stöðu uppfærslumanns annarrar fiðlu í  Sinfóníuhljómsveit Íslands og hefur síðan þá einnig unnið stöðu annars  Konsertmeistara hjá hljómsveitinni.

Steiney Sigurðardóttir er fædd árið 1996. Hún hóf sellónám 5 ára  gömul hjá Örnólfi Kristjánssyni og var nemandi hans í átta ár við Suzuki  tónlistarskólann í Reykjavík og Tónskóla Sigursveins. Hún lauk  framhaldsprófi vorið 2012 undir handleiðslu Gunnars Kvaran, aðeins 16  ára gömul. Við nám sitt í Tónlistarskóla Sigursveins fékk Steiney  sérstök verðlaun fyrir hæstu einkunn á miðstigi og 6.stigi. Frá áramótum  2013 til ársins 2015 var hún nemandi Sigurgeirs Agnarssonar við  Listaháskóla Íslands og við Tónlistarskólann í Reykjavík þar sem hún  útskrifaðist með burtfararpróf. Steiney hlaut styrk Halldórs Hansen  fyrir framúrskarandi námsárangur og fyrir burtfararpróf sitt. Hún hóf  nám 2016 í Tónlistarháskólanum í Trossingen þar sem hún lærði í fjögur  ár undir handleiðslu Prof. Francis Gouton. Steiney gegnir stöðu  staðgengils leiðara í sellódeild Sinfóníuhljómsveitar Íslands. Þess má  geta að Steiney hélt farfuglatónleika í Hannesarholti á námsárum sínum.

Efnisskrain samanstendur af verkum sem öll eru skrifuð á  fimm ára bili og á svipuðum landfræðilegum slóðum. Schulhoff var frá  Tékklandi og Kodaly frá Ungverjalandi.

Dúó fyrir fiðlu og selló H.157 (1927) -Andante Moderato-Allegro con brio
 Erwin Schulhoff (1894 – 1942)
 Dúó fyrir fiðlu og selló (1925)-Moderato-Allegro giocoso-Andantino-Moderato – Presto Fanatico
 Zoltán Kodály (1882 – 1967)

Hannesarholt hlúir að hjarta menningarinnar með að bjóða uppá samsöng  annan hvern sunnudag kl.14. Textar birtast á tjaldi og allir syngja  með, í salnum eða heima hjá sér og fylgjast með streymi úr  Hannesarholti. Frítt fyrir börn í fylgd með fullorðnum sem greiða 1000  króna aðgangseyri.

Sesselja Magnúsdóttir, eða Sessý eins og hún er kölluð, heldur utanum  söngstundina sunnudaginn 11.október. Hún hefur sungið í yfir 20 ár, í  hljómsveitum, dúettum, við veisluhöld og víðar. Hún hefur tekið lagið  með mörgum af fremstu tónlistarmönnum landsins, sungið inná disk með  Friðriki Karlssyni (Móðir og barn), tekið þátt í fyrstu Idol  Stjörnuleitinni og komið fram útum allt land. Sessý syngur nánast allar  tegndir tónlistar en blús, jazz, latíntónlist og popp verður oftast  fyrir valinu. Sessý starfar við söng og söngkennslu, hún hefur kennt  krökkum á söngnámskeiðum í u.þ.b. 15 ár, fyrst hjá Maríu Björk og svo á  eigin vegum síðustu ár.

Sessý finnst að allir ættu að syngja sem finnst það gaman, burtséð  frá getu og reynslu og er hún því sérstaklega glöð að fá að taka þátt í  samsöng Hannesarholts. Að syngja er heilandi og gefandi, ber ávöxt innra  með okkur og það að syngja saman í hóp hefur sérstaklega góð áhrif.

Sessý lærði klassískt á píano í sjö ár sem barn og unglingur m.a. hjá  Rögnvaldi og svo síðustu árin hjá Önnu Þorgrímsdóttur, tók þátt í  söngstarfi í grunn- og menntaskóla, stundaði nám á tónmenntalínu  Menntavísindasviðs HÍ og kláraði ársnám hjá Complete Vocal Tecnique í  Kaupmannahöfn í prógrammi fyrir pro og semi-pro söngvara.

Ólöf Sigursveinsdóttir sellóleikari og Einar Bjartur Egilsson  píanóleikari skapa saman litríka stund í Hannesarholti þar sem leikin er  sérlega falleg og skemmtileg tónlist. Ólöf og Einar hafa gaman að því  að spila saman í Hljóðbergi og án efa mun sellótónninn ,,gefa tón  dagsins“ í þessum fallega sal. Flutt verður gullfallegt lag eftir Einar  Bjart Egilsson fyrir píanó og selló og tónverk eftir: Vivaldi, Liszt,  Beethoven og Saint-Saens. Tónleikarnir standa í hálftíma og henta fyrir  alla aldurshópa. Streymt er í beinu streymi af fésbókarsíðu  Hannesarholts.

Gullmaðra - Ólöf Sigursveins og Einar Bjartur

Ingibjörg Rán Guðmundsdóttir veitir leiðsögn um málverkasýningu sína Birtingu, sunnudaginn 4.október kl.14.
 Ingibjörg lærði myndlist í Danmörku á árunum uppúr 1990 og var  aðaláhersla á að tilfinningatengt raunsæi, með aðaláherslu á litinn og  áhrif hans. Hún hélt fjölda sýninga í framhaldi af því, á Íslandi,  Danmörku og Svíþjóð, með aðaláherslu á portrettverk.
 Sýningin í Hannesarholti er sú fyrsta í 20 ár. Ingibjörg hélt áfram að  mála þótt hafi verið uppteknari af lífsbaráttunni en því að sýna  málverkin sín. Öll verkin á sýningunni eru til sölu. Sýningin stendur  til sunnudagsins 11.október.

Píanistinn  Romain Collin býður GDRN til leiks á þriðju tónleikum sínum í  Hannesarholti laugardagskvöldið 3.október kl.20, og eru það forréttindi  hverjum þeim sem nær að hlýða á þessi tvö hæfileikabúnt leika saman í  frjálsum tónlistarflutningi.

Takmarkaður sætafjöldi. Miðar aðeins seldir í forsölu. Borðapantanir í  kvöldmat á undan í síma 511-1904 eða á hannesarholt@hannesarholt.is

Guðrún Ýr Eyfjörð er konan á bak við sviðsnafnið GDRN  og er gestur Romains á þessum tónleikum. Það þarf vart að kynna hana  fyrir íslendingum, en hún hefur skinið skært í íslensku tónlistarsenunni  á undanförnum árum með dáleiðandi söng og einlægri lagasmíð. GDRN hóf  tónlistarferil sinn á tíu ára klassísku fiðlunámi, þar til hún hóf nám í  jasssöng og jasspíanóleik, sem leiddi hana á endanum á þá braut sem hún  er núna. Eftir útgáfu fyrsta lagsins hlaut hún verðlaun sem  áhugaverðasti nýji tónlistarmaðurinn á Íslensku tónlistarverðlaununum  2017. Fyrsta plata hennar „Hvað ef“ frá 2018 var útnefnd plata ársins á  tónlistarverðlaunum Grapevine og útnefnt til Norrænu  tónlistarverðlaunanna fyrir plötu í fullri lengd. Hún rakaði að sér  fernum verðlaunum á Íslensku tónlistarverðlaununum 2019, fyrir lag og  plötu ársins, fyrir vídeó ársins „Lætur mig“ og fyrir að vera besta  söngkona ársins í sínum flokki.

Fyrr á þessu ári gaf hún út plötuna „GDRN“ ásamt einvalaliði tónlistarmanna.

„Romain Collin er framsýnt tónskáld, stórkostlegur  jazzpíanisti og rísandi stjarna sem skín sannarlega skært í  jazzheiminum“ skrifaði Jon Weber hjá National Public Radio í  Bandaríkjunum. Collin fæddist í Frakklandi og býr nú New York en hann  fluttist upphaflega til Bandaríkjanna til að sækja sér menntun við  Berklee College of Music í Boston undir handleiðslu Dave Liebman og Joe  Lovano meðal annarra.Árið 2007 útskrifaðist Romain Collin frá hinum  virta skóla „Thelonious Monk Institute of Jazz“ þar sem hann hlaut  fullan námsstyrk sem píanóleikari í hljómsveit sem var sérstaklega sett  saman af Herbie Hancock, Wayne Shorter og Terence Blanchard. Á þessum  árum fór Collin í tónleikaferðalög með Hancock og Shorter víða um heim  auk þess sem hann spilaði með mönnum eins og Marcus Miller, Jimmy Heath  og Terence Blanchard. Síðan þá hefur hann numið undir handleiðslu Larry  Goldings, Russell Ferrante, Ron Carter, Charlie Haden, Mulgrew Miller og  Wynton Marsalis.Romain Collin hefur gefið út fjórar plötur sem allar  hafa hlotið einróma lof gagnrýnenda.

Samhliða því að þróa sinn eigin sólóferil leiðir hann tríó ásamt  munnhörpusnillingnum Gregoire Maret og gítarleikaranum Bill Frisell en  plata þeirra Americana kom út árið 2019. Auk þess er hann iðinn við  kolann sem meðspilari á tónleikum og upptökum með fólki á borð við Mike  Stern, John McLaughlin, Christian McBride, Lauryn Hill og Kurt  Rosenwinkel.Nokkrar umsagnir um Romain Collin:[A] winning new album…  There’s no doubting Mr. Collin’s pianism which is lucid and flowing….  His own compositions…(are) distinguished by dark grandeur, dynamic  swells and a chamberesque layering of texture…distinctive.
 – Nate Chinen, The New York TimesAn extraordinary album…Collin’s style  is unique and engaging without obvious influences. 4.5 stars
 – Karl Akermann, All About JazzAn absolute masterpiece…one of those rare  albums that just grabs and holds your attention from start to finish-  brilliant. 5 stars
 – John Adcock, Jazz Journal (UK)A visionary composer, an extraordinary  jazz pianist and a very bright young rising star in the jazz world.
 – Jon Weber, NPR

Sóttvarnir í hávegum hafðar og tilmælum hlýtt í hvívetna.

Hannesarholt hlúir að sönghefðinni með því að bjóða uppá fjöldasöng í  Hljóðbergi tvisvar í mánuði alla jafna yfir vetrarmánuðina. Textar  birtast á tjaldi og allir taka undir.

Sunnudaginn 27.september kl.14 stóð til að Skotfjelagið stýrði  söngnum, en það forfallast og heimilisfólkið í Hannesarholti hleypur  undir bagga, Harpa Þorvaldsdóttir og Ragnheiður Jónsdóttir. Harpa er  gestum Hannesarholts að góðu kunn, enda hefur hún haldið utanum  söngstundirnar síðustu misseri, tónmenntakennari og tónlistarkona.  Ragnheiður hefur tekið þátt í flestum söngstundum í Hannesarholti frá  upphafi og hefur notið þess að syngja í kórum megnið af ævinni. Báðar  hafa þær brennandi áhuga á því að fá sem flesta í sönginn og jafnvel  dansinn ef þannig liggur á fólki.

Frítt fyrir börn í fylgd með fullorðnum sem greiða 1000 króna  aðgangseyri. Streymt verður frá viðburðinum fyrir þá sem ekki eiga  heimangengt.

Syngjum Saman með Hörpu Þorvalds og Ragnheiði

Lesið  á loftinu er endurvakinn viðburður í Hannesarholti, þökk sé liðsmönnum  Hollvina Hannesarholts. Anna Sigríður Helgadóttir söngkona les fyrir  börnin sunnudaginn 27.september kl.13. Hún les bókina:

NORN Höfundar: Kim Fupz Aakeson og Rasmus Bregnhöi

Pabbi hefur eignast kærustu. Hún er með sítt hár, sítt, grænt og  úfið. Og skemmdar tennur. Vörtur. Uppmjóan hatt. Það er brennisteinslykt  af henni. Hún er NORN!

Brakandi fyndin saga um flókna fjölskyldu. Guðni Kolbeinsson þýddi.

Lesið á loftinu - Anna Sigríður Helgadóttir

Píanistinn Romain Collin býður hinum rómaða trompetleikara Ara  Kárasyni til leiks á öðrum tónleikum sínum í Hannesarholti. Þetta  kraftmikla tvíeyki leikur jazzstandarda, frumsamda tónlist og spuna.  Takmarkaður sætafjöldi. Miðar aðeins seldir í forsölu. Borðapantanir í  kvöldmat á undan í síma 511-1904 eða á hannesarholt@hannesarholt.is

„Romain Collin er framsýnt tónskáld, stórkostlegur  jazzpíanisti og rísandi stjarna sem skín sannarlega skært í  jazzheiminum“ skrifaði Jon Weber hjá National Public Radio í  Bandaríkjunum. Collin fæddist í Frakklandi og býr nú New York en hann  fluttist upphaflega til Bandaríkjanna til að sækja sér menntun við  Berklee College of Music í Boston undir handleiðslu Dave Liebman og Joe  Lovano meðal annarra.

Árið 2007 útskrifaðist Romain Collin frá hinum virta skóla  „Thelonious Monk Institute of Jazz“ þar sem hann hlaut fullan námsstyrk  sem píanóleikari í hljómsveit sem var sérstaklega sett saman af Herbie  Hancock, Wayne Shorter og Terence Blanchard. Á þessum árum fór Collin í  tónleikaferðalög með Hancock og Shorter víða um heim auk þess sem hann  spilaði með mönnum eins og Marcus Miller, Jimmy Heath og Terence  Blanchard. Síðan þá hefur hann numið undir handleiðslu Larry Goldings,  Russell Ferrante, Ron Carter, Charlie Haden, Mulgrew Miller og Wynton  Marsalis.

Romain Collin hefur gefið út fjórar plötur sem allar hafa hlotið  einróma lof gagnrýnenda. Samhliða því að þróa sinn eigin sólóferil  leiðir hann tríó ásamt munnhörpusnillingnum Gregoire Maret og  gítarleikaranum Bill Frisell en plata þeirra Americana kom út árið 2019.  Auk þess er hann iðinn við kolann sem meðspilari á tónleikum og  upptökum með fólki á borð við Mike Stern, John McLaughlin, Christian  McBride, Lauryn Hill og Kurt Rosenwinkel.

[A] winning new album… There’s no doubting Mr. Collin’s pianism which  is lucid and flowing…. His own compositions…(are) distinguished by dark  grandeur, dynamic swells and a chamberesque layering of  texture…distinctive.
 – Nate Chinen, The New York Times

An extraordinary album…Collin’s style is unique and engaging without obvious influences. 4.5 stars
 – Karl Akermann, All About Jazz

An absolute masterpiece…one of those rare albums that just grabs and  holds your attention from start to finish- brilliant. 5 stars
 – John Adcock, Jazz Journal (UK)

A visionary composer, an extraordinary jazz pianist and a very bright young rising star in the jazz world.
 – Jon Weber, NPR

Ari Bragi Kárason er einn eftirsóttasti  tónlistarmaður þjóðarinnar um þessar mundir. Hann hefur komið við sögu á  sumum af stærstu tónlistarverkefnum sem gerð hafa verið síðustu ár.  Eftir útskrift frá tónlistarháskóla í bandaríkjunum vorið 2013 hefur  hann verið áberandi í íslensku samfélagi og má þar nefna dæmi eins og að  vera dómari í þáttunum Kórar Íslands, tónlistarstjóri stórtónleika  Friðrik Dórs, fastameðlimur hljómsveitarinnar Mezzoforte og svo mætti  lengi telja.

Árið 2011 vann hann á íslensku tónlistarverðlaununum “Bjartasta  Vonin” í öllum flokkum og þótti það merkilegt fyrir þær sakir að jazz  trompetleikari skildi hreppa þau verðlaun. Ari Bragi hefur er einnig  meðlimur í hljómsveitinni ANNES sem er margverðlaunuð hljómsveit skipuð  sumum af stærstu nöfnun í íslensku tónlistarlífi.

Pianist Romain Collin invites renowned Icelandic  trumpeter Ari Kárason for his second concert at Hannesarholt. This  dynamic duo will perform Jazz standards, original compositions and free  improvisations.

Described by NPR as “a visionary composer, an extraordinary jazz  pianist and a very bright young rising star in the jazz world”, and  touted by the Boston Globe as being “among the leading lights of a new  breed of jazz players”, Romain Collin continues to develop “a highly  personal and contemporary vision” (A Blog Supreme, NPR), blurring the  lines between virtuosic improvisation, sound designing, indie rock and  classical music.

Originally born in France and now based in New York City, Collin came  to the US to attend Berklee College of Music on a scholarship, where he  majored in Music Synthesis and studied performance with the likes of  Dave Liebman and Joe Lovano. In 2007, Romain graduated from the  prestigious Thelonious Monk Institute of Jazz where he held a Full  Scholarship. During this time, Collin had the opportunity to tour  internationally with Hancock and Shorter and studied with the likes of  Larry Goldings, Ron Carter, Charlie Haden and Wynton Marsalis.

While furthering his career as a leader, Collin continues to explore  various musical genres as a sideman, performing and/or recording  alongside artists such as Bill Frisell, Mike Stern, John McLaughlin,  Christian McBride and Lauryn Hill.

Icelandic trumpeter and flugelhorn player, Ari Kárason has  established himself as an exceptional performer within the jazz scene in  Iceland and New York. Born in 1989, Ari Kárason began his music studies  at the age of 7. Ari studied trumpet at Seltjarnarnes Music School and  later classical and jazz studies at F.Í.H. Music School. In 2013 he  graduated with honor from the New School for Jazz and Contemporary Music  in New York.

Ari quickly became well established in Iceland and in 2011 he was  awarded as the most promising artists of the year in all categories at  The Icelandic Music Awards. Ari’s musicianship is noteworthy and has  been characterised with his personal sound and melodic improvisation  where he has proved as a commanding soloist. His tone is centered in the  jazz scene where he has established himself within the genres of jazz,  big band, pop, rock, electronic and hip-hop music. He recently formed a  band with some of Iceland’s most heavyweight improvisers called “ANNES”.  They have made two albums with great acclaim from critiques and  listeners.

Being in the forefront of the Icelandic music scene for some years  now he is working more and more abroad with his own international band  called “MELISMETIQ”.

In addition to a flourishing music career is Ari also an  award-winning athlete and holds the Icelandic record over the 100m  sprint as well as being the team captain for the Icelandic national team  in Track and Field.

Romain  Collin opnar tónleikaröð sína í Hljóðbergi Hannesarholts  laugardagskvöldið 19.september kl.20 með einleikstónleikum. Hann leikur  safn einlægra verka allt frá amerískum jazzstandördum til frumsaminna  verka og nýrra popplaga.

Takmarkaður sætafjöldi. Miðar aðeins seldir í forsölu.

Á undan tónleikunum verður framreiddur kvöldverður í veitingastofum Hannesarholts á 1.hæðinni. Borðapantanir í síma 511-1904.

„Romain Collin er framsýnt tónskáld, stórkostlegur jazzpíanisti og  rísandi stjarna sem skín sannarlega skært í jazzheiminum“ skrifaði Jon  Weber hjá National Public Radio í Bandaríkjunum. Collin fæddist í  Frakklandi og býr nú New York en hann fluttist upphaflega til  Bandaríkjanna til að sækja sér menntun við Berklee College of Music í  Boston undir handleiðslu Dave Liebman og Joe Lovano meðal annarra.

Þetta eru tónleikar sem enginn vill missa af.

Romain Collin opens his Hannesarholt concert series with a solo piano  performance. He will interpret an intimate book of songs, with  repertoire ranging from American Jazz Standards to original compositions  and current pop hits

Described by NPR as “a visionary composer, an extraordinary jazz  pianist and a very bright young rising star in the jazz world”, and  touted by the Boston Globe as being “among the leading lights of a new  breed of jazz players”, Romain Collin continues to develop “a highly  personal and contemporary vision” (A Blog Supreme, NPR), blurring the  lines between virtuosic improvisation, sound designing, indie rock and  classical music. Originally born in France and now based in New York  City, Collin came to the US to attend Berklee College of Music on a  scholarship, where he majored in Music Synthesis and studied performance  with the likes of Dave Liebman and Joe Lovano. In 2007, Romain  graduated from the prestigious Thelonious Monk Institute of Jazz where  he held a Full Scholarship. During this time, Collin had the opportunity  to tour internationally with Hancock and Shorter and studied with the  likes of Larry Goldings, Ron Carter, Charlie Haden and Wynton Marsalis.  While furthering his career as a leader, Collin continues to explore  various musical genres as a sideman, performing and/or recording  alongside artists such as Bill Frisell, Mike Stern, John McLaughlin,  Christian McBride and Lauryn Hill.

„There’s no doubting Mr. Collin’s pianism which is lucid and  flowing…. His own compositions…(are) distinguished by dark grandeur,  dynamic swells and a chamberesque layering of texture…distinctive.“
 The New York Times

„Distinctly personal and creative.“
 The Washington Post

„Collin’s style is unique and engaging without obvious influences.“
 All About Jazz

„An absolute masterpiece“
 Jazz Journal

„An extraordinarily talented pianist…Collin exhibits a crystal clear vision with his music.“

Ingibjörg Rán opnar sýninguna Birtingu í Hannesarholti laugardaginn  19.september kl.15.00-17.00. Verkin á sýningunni eru olíumálverk unnin  fyrir sýningu í Hannesarholti. Myndefni frá Reykjavík, Grundarfirði, Vík  og Grímsnesi. Sýningin er sölusýning og stendur til 9. október.

Birting - Ingibjörg Rán Guðmundsdóttir

In Duo With er tónleikaröð þar sem Ingi Bjarni píanóleikari fær til  sín gesti í Hannesarholt. Gestur á þessum tónleikum fimmtudagskvöldið  17.september 2020 er trommarinn Magnús Trygvason Eliassen. Magnús hefur  komið víða við og gert margt á sínum ferli. Hann hefur t.a.m. leikið með  ADHD, amiinu, Moses Hightower, K-tríó og svo mætti lengi telja.

Tónleikaröðin leggur áherslu á íslenskt tónlistarfólk sem fæst við  spunatónlist af ýmsum toga. Ingi Bjarni leiðir stutt spjall við gestina  þar sem spjallað er um tónlistarsköpun, tónlistarferil viðkomandi, spuna  og fleira. Eftir spjallið spila Ingi Bjarni og gesturinn saman.  Tónlistin er annað hvort eftir gestinn eða spunnin á staðnum. Alls verða  sex tónleikar á tónleikaröðinni.

Myndbandsupptökur frá tónleikunum verða jafnóðum settar á YouTube og  spjallið textað á ensku. Þessi YouTube þáttargerð In Duo With er styrkt  af Tónlistarsjóði.

Hannesarholt hefur hlúð að sönghefðinni síðastliðin rúm sjö ár með  því að bjóða reglulega uppá fjöldasöng í Hljóðbergi. Textar birtast á  tjaldi og allir taka undir. Frítt fyrir börn í fylgd með fullorðnum sem  greiða 1000 króna aðgangseyri.

Söngvarinn Hólmar Guðmundsson hóf tónlistarnámið sitt í  tónlistarskóla Hafnarfjarðar ungur að aldri. Hann söng með  menntaskólakórnum sínum á unglingsaldri og nam síðan jazzsöng við  tónlistarskóla FíH / MÍT. Hann ásamt Hörpu Þorvaldsdóttur velja  uppáhalds lögin sín til að leiða sönginn í Syngjum saman í  Hannesarholti.

Harpa hefur haldið utanum söngstundirnar í Hannesarholti síðustu  misseri. Hún er tónlistarkona og tónmenntakennari og hefur margoft  stjórnað Syngjum saman í Hannesarholti, auk þess sem hún stjórnar söng á  sal í Laugarnesskóla og á Hrafnistu. Streymt verður frá söngstundinni  fyrir þá sem ekki eiga heimangengt.

Nicolas  Lolli, Halla Bryndís Gylfadóttir og Mathias Susaas Halvorsen koma saman  í fyrsta sinn í Hannesarholti sem tríóið Reykjavik Mozart Ensemble á  hádegistónleikum sunnudaginn 6.september kl.12.15. Í fyrsta verkefni  sínu sem tríó takast þau á við tvö stórverk fyrir píanó tríó eftir  Smetana og Schubert. Frá fyrstu æfingu smullu þau saman í leikgleði án  þess að þurfa að tala. Öll eru þau sammála um að kammertónlist skuli  vera frjáls, sjálfsprottin, sveigjanleg og full af gleði.

Miðar eru aðeins seldir í forsölu. Takmarkaður sætafjöldi.

In their first project together as a trio, Bryndis, Nicola and  Mathias, as the Reykjavik Mozart Ensemble, are tackling two of the most  epic and heartwarming works written for piano trio. From the first  rehearsal they felt working together was easy and immensely pleasurable,  almost without the need to say anything at all. All theee musicians  agree that chamber music should be free, spontaneous, flexible and full  of joy. They also like each other, and have so far been laughing more  than fighting, and spent more time playing than not.

Limited seating. Tickets are only sold in advance on tix.is

Hádegistónleikar - Reykjavík Mozart ensamble

Lesið á loftinu - Yrsa Þöll Gylfadóttir

Um Landið - Ingibjörg Dalberg

Syngjum Saman með Margréti og Ársæli

Syngjum Saman með Heru Björk og Benna Sig

Erlingur Páll Ingvarsson - Gula Sólin Mamma

Söngvar úr ljóðakverinu "Á Víðum Völlum"

List án landamæra - Björn Traustason

Dúó Edda leikur Kodály og Schulhoff

Syngjum Saman með Sessý

Gullmaðra - Ólöf Sigursveins og Einar Bjartur

Leiðsögn um sýningu - Ingibjörg Rán

Romain Collin og gestir - GDRN

Syngjum Saman með Hörpu Þorvalds og Ragnheiði

Lesið á loftinu - Anna Sigríður Helgadóttir

Romain Collin og gestir - Ari Bragi

Romain Collin - Einleikstónleikar

Birting - Ingibjörg Rán Guðmundsdóttir

In Duo with Magnús Tryggvason Eliassen

Syngjum Saman með Hólmari og Hörpu

Hádegistónleikar - Reykjavík Mozart ensamble