Syngjum saman í Hannesarholti er stýrt af Ísold Wilberg laugardaginn 4.maí kl.14 og Jón Ingimundarson leikur með á flygilinn. Ísold hefur áður stýrt samsöng í Hannesarholti, en hún er djass-lærð söngkona úr Tónlistarskóla FÍH, stundaði nám í Complete Vocal Institute í Kaupmannahöfn. Hún gefur út sína eigin tónlist undir nafninu "Ísold" á Spotify en margir kannast við hana úr Söngvakeppni Sjónvarpsins 2022 þar sem hún og bróðir hennar, Már Gunnarsson lentu í þriðja sæti með laginu sínu "Don't you know".

Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni þar til að heimsfaraldurinn truflaði taktinn. Um leið og við minnumst hennar og heiðrum viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn 2023. Frítt er inná Syngjum saman í Hannesarholti í hennar minningu. 

Textar á tjaldi svo allir geta sungið með. Allar kynslóðir velkomnar.

Syngjum saman í Hannesarholti með Ísold Wilberg

Í tilefni alþjóðlega jazzdagsins 30. apríl næstkomandi býður Move, hljómsveit Óskars Guðjónssonar, til hátíðar í Hannesarholti. Hljómsveitina skipa auk Óskars Eyþór Gunnarsson píanisti, Matthías Hemstock trommuleikari og Valdimar Kolbeinn Sigurjónsson kontrabassaleikari.  

Hvað rekur saxófónleikara áfram í því að vilja hittast helst tvisvar í viku með vinum sínum og æfa og æfa og æfa og æfa? Endursemja lögin aðeins og æfa síðan meira?

„Undanfarin sjö ár hefur Move verið að vinna að einhverju sem við vitum ekki alveg hvað er en allir finnum við að okkur langar að vinna að sameiginlegu markmiði. Hvert það markmið er nákvæmlega hefur vafist fyrir kvartettinum. Okkur langar að dvelja áreynslulaust inni í heimi tónsmíðanna og í þeim frjálsa heimi sem skapast með spuna en líka helst að öll lög eigi sér nýjan heim á hverjum degi og að hver sá hinn frjálsi spuni eigi sér nýtt lag á degi hverjum.

Sjö árum eftir stofnun hljómsveitarinnar eða nánar tiltekið 14. febrúar sl. urðu kaflaskil í samleik okkar. Þar náðum við að sleppa tökunum á því sem við kunnum og hefja leit að því sem við kunnum ekki í sameiningu. Til þess hefur þurft hundruði ef ekki næstum þúsund klukkustundir í samveru bæði við leik og störf. Sú samvera hefur verið nauðsynleg til þess að kanna allt sem við viljum kunna, leita að því sem við vissum ekki að við vildum kunna og kanna hvað dregur fram hið ýtrasta í fari hvors annars. Þrýstirpróf á sér stað því ekki er nóg að æfa og spila saman. Stóra kennslustundin hefur verið samhlustun á æfingar og tónleika til þess að finna hvert ferðalagið tekur mann án hljóðfæris. 

Óheft frelsi í eigin túlkun eykst eftir því sem traust vináttuböndin þéttast við samveru og skilning á þörfum hvers og eins. Það skemmtilegasta í ferðalaginu er eftirvæntingin fyrir næstu sjö árum af því sem virðist það sama, er alltaf nýtt ef leitað er.” - Óskar Guðjónsson, mars 2024

Tónleikarnir hefjast kl 20 og miðaverð er 5.900 kr. 

Move - Kvartett Óskars Guðjónssonar í Hannesarholti á alþjóðlega jassdaginn

Dick Ringler  (Richard Newman Ringler) (1934-2024) var einn af þessum Íslandsvinum sem lét um sig muna. Hann lærði íslensku á Hólum í Hjaltadal í kringum 1960, þar sem hann bjó um tíma ásamt ungri fjölskyldu sinni. Dick elskaði Jónas Hallgrímsson og fannst hann á pari við William Wordsworth. Honum fannnst að hinn enskumælandi heimur þyrfti að kynnast skáldskap hans Jónasar. Hann var trúr sinni sannfæringu og þýddi af alúð allt höfundarverk Jónasar, ljóð og laust mál, sem kom út í bókinni BARD OF ICELAND. Bókin er dýrgripur og gersemi, og svo vel tókst honum til að allt sem sungið er á íslensku af Jónasarlögum syngst jafnvel á enskunni, eftir að Dick Ringler fór um þau höndum. 

Nú viljum við heiðra minningu Dicks Ringler og þakka honum fyrir framlag sitt til íslenskrar menningar með því að koma saman og syngja eina stund Jónasarlögin á ensku uppúr bókinni Bard of Iceland laugardaginn 27.apríl kl.17. Við hefjum sönginn með einu erindi á íslensku í hverju lagi, en flytjum svo yfir í enskuna. Við höfðum þennan háttinn á fyrir rúmum tíu árum síðan, þegar við sendum Dick rafræna afmæliskveðju yfir hafið í tilefni af áttræðisafmæli hans og endurtökum leikinn nú. 

Streymt verður frá stundinni á fésbókarsíðu Hannesarholts. Vinir Dicks í Hannesarholti og Hollvinafélagi Wisconsinháskóla og Madisonborgar standa að viðburðinum. 

Allir velkomnir.  Textar á tjaldi og allir syngja með. Frítt inn. 

Dick Ringler (Richard Newman Ringler) (1934-2024) was one of those friends of Iceland who really pulled his weight. He learned Icelandic at Holar in Hjaltadalur around 1960 where he moved temporarily with his young family. Dick loved romantic poet Jónas Hallgrímsson and found him to be equal to William Wordsworth. He felt that the English speaking world needed to know this exceptional poet. True to his beliefs, he painstakingly translated Jonas's body of work, poetry and prose, which was published in the book BARD OF ICELAND. The book is a treasure and a gem and the outcome is so excellent that all the songs of Jonas frequently sung in Icelandic can be sung without hesitation in English, after Dick Ringler worked his magic upon them. 

Now we want to honour Dick Ringler's memory and give him thanks for his valuable contribution to Icelandic culture by gathering in Hannesarholt on Grundarstígur 10 in Reykjavík, Iceland, for a sing-along from the book Bard of Iceland on Saturday, April 27th, at 5PM. We sing one verse in Icelandic before turning to English for each song. We had an event in honor of Dick ten years ago, for his eightieth birthday, and will repeat at this time. 

The event will be live-streamed on Hannesarholt's facebook page. Friends of Dick Ringler in Hannesarholt and in University of Wisconsin Alumni Association - Iceland Chapter are hosting this event. 

All are welcome. Lyrics on a screen and everyone can take part. Free admission.

Bard of Iceland - Syngjum saman til minningar um Dick Ringler 

Solveig Óskarsdóttir og Anna Þórhildur Gunnarsdóttir flytja sönglög víðsvegar að úr heiminum í Hannesarholti laugardaginn 27.apríl kl.15. Þær taka áheyrendur í ferðalag um björt sumarkvöld og kalda vetrarmorgna. Efnisskráin er blanda þekktra sem og minna fluttra verka, m.a. eftir tónskáldin Kurt Weill, Poldowski, Jean Sibelius og Isabelle Aboulker, og eru kventónskáld í forgrunni á efnisskránni.

Píanistinn Anna Þórhildur Gunnarsdóttir og söngkonan Solveig Óskarsdóttir kynntust í Listaháskóla Íslands og stofnuðu Dúó Áróru í meistaranámi sínu við Tónlistarháskólann í Maastricht fyrir tveimur árum. Dúó Áróra hélt tónleikaferðalag á Vesturlandi sumarið 2023 og leggja þær áherslu á lifandi flutning og nýstárlegt efnisval, t.d. með að auka sýnileika kventónskálda. 

Solveig Óskarsdóttir  er útskrifuð með BMus í söng frá LHÍ og Master í Óperu frá Conservatorium Maastricht. Hún hefur hlotið ýmsa styrki til tónlistartengdra verkefna, m.a. styrk úr minningarsjóði Vilhjálms Vilhjálmssonar til áframhaldandi söngnáms. Hún hefur setið fjölmarga masterklassa, m.a. hjá Gittu-Mariu Sjöberg, Ingeborg Danz, Kristni Sigmundssyni og Catryn Wyn-Davies. Solveig leggur áherslu á 20. aldar og samtímatónlist, auk þess sem hún hefur dálæti á norrænum sönglögum. Hún hefur sungið með fjölmörgum kórum, bæði sem kórmeðlimur og einsöngvari, m.a. Kór Langholtskirkju og Graduale Nobili. Hún syngur einnig með ýmsum smærri sönghópum. 

Anna Þórhildur Gunnarsdóttir lauk B.Mus gráðu í píanóeinleik frá Listaháskóla Íslands, undir leiðsögn Peters Máté og Eddu Erlendsdóttur og MA-gráðu í píanóeinleik við Conservatorium Maastricht hjá prof. Katia Veekmans. Anna hefur hlotið margvíslega styrki, þ.á.m. úr Minningarsjóði Heimis Klemenzsonar og Henrïette Hustinx-hvatningarverðlaunin, sem eru veitt útskriftarnemum Tónlistarháskólans í Maastricht sem þykja skara fram úr á sínu sviði. Í dag starfar Anna sem píanókennari við Tónlistarskóla Hafnarfjarðar.

Samsöngur með börnum og þeim sem elska barnamenningu í Hannesarholti laugardaginn 27.apríl kl.14-14.30.

Þráinn Árni, tónmenntakennari og Skálmaldarmeðlimur stýrir söngnum og leikur með á gítarinn.

Þeir sem hafa mætt í Syngjum saman í Hannesarholt með Þráni vita að það er fjör og gleði þar sem hann er og gaman að syngja með honum.

Allir velkomnir. Frítt inn í tilefni af # Barnamenningarhátíð

Samsöngur með börnum og þeim sem elska barnamenningu í Hannesarholti með Þráni Árna

Björg Brjánsdóttir útskrifaðist af einleikarabraut frá Tónlistarháskóla Noregs vorið 2017 og hefur auk þess stundað nám í þverflautuleik við Tónlistarháskólann í Hannover, Tónlistarháskólann í München og Konunglega danska tónlistarháskólann. Björg var tilnefnd sem Flytjandi ársins á Íslensku tónlistarverðlaununum 2022 og er flautuleikari tónlistarhópsins Caput og Elju kammersveitar. Í janúar 2024 kom út fyrsta einleiksplata Bjargar, GROWL POWER, með verkum eftir Báru Gísladóttur. Hún hefur unnið náið með fjölmörgum tónskáldum en síðar á árinu er önnur plata hennar væntanleg með nýjum einleiksverkum fyrir þverflautu eftir sex ólík tónskáld. 

Sumardaginn fyrsta, fimmtudaginn 25.apríl, heldur hún einleikstónleika í Hannesarholti þar sem hún flytur þrjú verk sem samin voru fyrir Björgu á síðustu árum eftir Báru Gísladóttur, Pál Ragnar Pálsson og Tuma Árnason. Einnig hljóma ljúfir dansar eftir Blavet, virtúósísk chaconna Karg-Elerts og ný umritun eftir Björgu á Chaconnu Bachs, ásamt frumflutningi á verki hennar, Snörun. Tónleikarnir hefjast kl. 20 og miðaverð er 4.900 kr. Miðasala á tix.is. 

Á inniskónum er spjalltónleikaröð Magnúsar Jóhanns píanóleikara þar sem hann fær til sín gesti víðsvegar að úr tónlistarlífi Íslendinga. Magnús setur tónlist viðmælenda sinna í nýjan búning með dyggri aðstoð hljóðgervla, trommuheila og hljómborða af ýmsum toga og spyr þá svo spjörunum úr. Gestur Magnúsar þann 20. apríl er rapparinn Floni en hann hefur verið einn vinsælasti tónlistarmaður landsins frá því að hann hóf að gefa út tónlist árið 2017. Undanfarin misseri hafa þeir unnið hörðum höndum að því að klára nýja breiðskífu Flona, Flona III. Þeir munu telja í ný lög af plötunni auk eldri slagara og tala um sköpunarferlið og feril Flona. 

Miðaverð er 5.900 kr og tónleikarnir hefjast klukkan 20:00. Húsið opnar 19:30 og gengið er inn í Hljóðberg í Hannesarholti af Skálholtsstíg.

Þórunn Björnsdóttir stýrir Syngjum saman í Hannesarholti laugardaginn 20.apríl kl.14. Tóta Björns, eins og hún er oftast kölluð, stýrði kórstarfi í Kársnesskóla í yfir fjörtíu ár og var öflug í uppbyggingu barnakórastarfs á Íslandi. Með henni í Hannesarholti verða eldri borgarar úr Kópavogi, sem Tóta leiðir í söng einu sinni í viku í vetur. 

Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni þar til að heimsfaraldurinn truflaði taktinn. Um leið og við minnumst hennar og heiðrum viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn 2023. Frítt er inná Syngjum saman í Hannesarholti í hennar minningu.

Syngjum saman í Hannesarholti með Þórunni Björnsdóttur 

María Sigríður Jónsdóttir opnar málverkasýningu sína APRÍL fimmtudaginnn 18.apríl kl.15-17. 

María stundaði myndlistarnám í Ríkisakademíunni í Flórens á árunum 1994-1998 og hefur síðan búið og starfað við myndlist á Ítalíu. Í málverkum hennar gætir áhrifa víða að, sem og úr draumum og innri hugarheimi. Hún laðast að hinu óþekkta, andlegum málum og súrrealisma. Í verkunum birtist hennar innri heimur og sú tilfinning sem hún ber í hjartanu. Málverkin eru oft draumkennd og óraunveruleg, smáævintýri á striga og María setur gjarnan venjulega hluti í óvenjulegar aðstæður. Þá fær áhorfandinn frelsi til að túlka verkið á sinn persónulega hátt, búa til sína eigin sögu og finna sína eigin leið.

María segir sjálf: ,,Í verkum mínum gætir líka áhrifa frá þeim tíma sem ég bjó í Flórens, vöggu endurreisnartímabilsins. Sá undurfagri listheimur sem Flórens og Ítalía bjóða uppá hvert sem litið er hafa veitt mér innblástur. Íslenska birtan, litirnir og fjöllin hafa þó haft mest áhrif á verk mín. Blóm eru mér mjög hugleikin og hafa verið áberandi í verkum mínum síðustu ár. Þau tengjast okkur á svo margan hátt, bæði í gleði og sorg, minningum hugans og oft ríkja miklar tilfinningar þegar við tengjumst blómunum og gefum þeim gaum. Óendanleg litadýrð þeirra, form og mýkt, ilmur og birtingarmyndir geta sagt okkur sögur, huggað og glatt. Ég býð áhorfendum mínum að staldra við, njóta augnabliksins, hugleiða og. upplifa sín eigin ævintýri og sögur."

APRÍL er sölusýning og stendur til 7.maí. Sýningin er aðgengileg á opnunartíma Hannnesarholts kl.11.30-16 alla daga nema sunnudaga og mánudaga.

María Sigríður Jónsdóttir - APRÍL Málverkasýning

Sex ljóðskáld sem öll hafa hlotið verðlaun fyrir ljóð sín lesa upp ný og eldri ljóð í Hannesarholti laugardaginn 13.apríl kl.14. Anna Björg Hjartardóttir syngur nokkur jazz og blúslög við undirleik Matthíasar Baldurssonar á milli ljóða. 

Draumey Aradóttir er kennari, skáld og rithöfundur, fædd og búsett í Hafnarfirði, en hefur auk þess lagt stund á heimspeki og lífspeki. Tengsl hugar, tilfinninga og sálar eru grunntónn flestra ritsmíða hennar. Hún hefur gefið út sjö bækur, nú síðast ljóðabækurnar Varurð og Einurð. Draumey hefur hlotið ótal verðlaun og viðurkenningar fyrir ljóð sín, m.a. á ljóðahátíð Ljóðstafs Jóns úr Vör og ljóðasamkeppni Júlíönu - hátíð sögu og bóka, sem hún sigraði 2023.  

Garibaldi er skáldanafn Garðars Baldvinssonar, rithöfundar sog ljóðskáld. Hann hefur gefið út níu ljóðabækur ásamt smásögum og fræðaefni og fékk sérstaka viðurkenningu Bókmenntaverðlauna Tómasar Gudmundssonar árið 2000. Garðar hlaut tvenn verðlaun í Ljóðasamkeppni Ljósanótt í Reykjanesbæ árið 2023.  Hann hefur þýtt ljóð í tímarit og bókum, stundaði MA nám ’90-'95 í bókmenntum við University of British Columbia í Vancouver.

Gunnhildur Þórðardóttir er myndlistarmaður, kennari og ljóðskáld, með tvíhliða BA gráðu í myndlist og listasögu 2004 og MA í listsjórnun 2006. Hún er einnig með viðbótardiplóma í listkennslu á grunn – og framhaldsskólastigi. Hún er sjálfstætt starfandi listamaður og hefur gefið út sex ljóðabækur bæði á ensku og íslensku og tekið þátt í fjölda ljóðaupplestra, samsýninga og haldið margar einkasýningar bæði hérlendis og erlendis. Hún hlaut ljóðaverðlaunin Ljósberinn árið 2019.

Guðmundur Magnússon er fæddur 1981 og uppalinn í Garðinum. Hann er menntaður kvikmyndagerðarmaður og hefur unnið að gerð heimildamynda. Guðmundur er bókamaður, sögumaður og áhugamaður um sagnfræði og gefur út tímaritið Skiphóll tvisvar á ári þar sem birtar eru gamlar myndir og viðtöl við eldra fólk á Suðurnesjum. Hann fékk nýræktarstyrk Miðstöð íslenskra bókmennt fyrir ljóðabókina Talandi steina 2022 en Bjartur gaf hana út en hann er einnig einn af frumkvöðlum Bryggjuskálda.

Ragnheiður Lárusdóttir ljóðskáld er íslenskufræðingur, listkennslufræðingur og söngkennari að mennt og kennir við Menntaskóla Kópavogs. Ragnheiður hefur gefið út nokkrar ljóðabækur en fyrsta bók hennar "Eitthvað” hlaut Bókmenntaverðlaun Tómasar Guðmundssonar 2020  og var sú bók einnig tilnefnd til Maistjörnunnar. Næst kom Glerflísakriður 2021 og svo Kona/Spendýr árið 2022.

Anna Björg Hjartardóttir, söngkona og ljóðskáld, hefur verið framkvæmdastjóri eigin fyrirtækis í áratugi hún hefur komið fram sem einsöngvari víða á viðburðum og er í tónlistarnámi. Anna Björg vann til verðlauna í Ljóðasamkeppni á Ljósanótt 2023.  
Heldur fyrirlestra, verið með útvarpsþætti um heilsumál  og verið í stjórnum og ábyrgðum ásamt að vera virk í alþjóða friðar- menntunar og menningarsamtökum Soka Gakkai Int.

Hróðmar Sigurðsson og Ingibjörg Turchi í Hannesarholti fimmtudaginnn 11.apríl kl.20.

Ingibjörg Turchi bassaleikari og Hróðmar Sigurðsson gítarleikari hafa verið í samstarfi um árabil í ýmsum hljómsveitum. Þau hafa gefið út nokkrar plötur á síðustu árum. Ingibjörg Turchi, Meliae (2020) og Stropha (2023) og Hróðmar, Hróðmar Sigurðsson (2021). Dúóið mun leika nýja tónlist fyrir gítar og rafbassa sem kemur út á plötu árið 2024 ásamt úrvali af verkum af plötum hvors annars í bland við spuna. 

Bassaleikarinn og tónskáldið Ingibjörg Elsa Turchi hefur verið sýnileg í íslensku tónlistarlífi síðustu ár og hefur komið fram með mörgum af ástsælustu listamönnum þjóðarinnar, svo sem Emilíönu Torrini, Bubba Morthens, Stuðmönnum og Teiti Magnússyni, bæði á tónleikum og upptökum en einnig hefur hún samið verk fyrir Sinfóníuhljómsveit Íslands sem frumflutt var vorið 2021 á vegum Ung-Yrkju og SÍ. Hún hefur einnig leikið í hljómsveit í Þjóðleikhúsinu og Borgarleikhúsinu og verið partur af verki Ragnars Kjartanssonar, Kona í e-moll, sem var sett upp í Hafnarhúsinu 2017. Sl.tvö ár hefur Ingibjörg verið í húsbandi Idol-stjörnuleitar á Stöð 2. 

Ingibjörg gaf út stuttskífuna Wood/Work árið 2017 þar sem rafbassinn var í aðalhlutverki. Í júlí 2020 gaf Ingibjörg svo út sína fyrstu plötu í fullri lengd, Meliae, og hélt áfram að víkka út hljóðheim sinn með hjálp hljómsveitar sinnar. Árið 2020 hlaut platan Meliae Kraumsverðlaunin, var valin plata ársins af Morgunblaðinu og straum.is og fékk 5 stjörnur í gagnrýni Morgunblaðsins. Á Íslensku tónlistarverðlaununum 2021 hlaut Ingibjörg sex tilnefningar og hlaut tvenn verðlaun, annars vegar fyrir plötu ársins í flokki Djass-og blústónlistar og fyrir Upptökustjórn í Opnum flokki. Einnig var hljómsveitin valin til að fara fyrir hönd Íslands á Nordic Jazz Comets 2020 og í kjölfarið á Finnlandstúr í september 2021. Í september 2021 var platan svo tilnefnd til Hyundai Nordic Music Prize. Haustið 2023 kom svo út platan Stropha á vegum Reykjavik Record Shop og hefur henni verið vel tekið og fékk m.a.tilnefningu í flokknum Upptökurstjórn ársins á Íslensku tónlistarverðlaununum 2024.

Hróðmar Sigurðsson útskrifaðist úr Tónlistarskóla FÍH árið 2017 með burtfararpróf í rafgítarleik og hefur starfað sem tónlistarmaður síðan. Hann hefur farið um víðan völl og leikið þvert á stíla með tónlistarmönnum eins og Elísabetu Ormslev, Ife Tolentino, Teiti Magnússyni, Benna Hemm Hemm og Samúel Jón Samúelssyni ásamt því að starfrækja sína eigin hljómsveit. Hróðmar gaf út sína fyrstu hljómplötu árið 2021 ,,Hróðmar Sigurðsson". Hróðmar var valin Bjartasta vonin í Djass og blúsflokki á Íslensku Tónlistarverðlaununum árið 2022 og hljómsveit Hróðmars hlaut einnig tilnefningu sem flytjandi í sama flokki.

Hróðmar Sigurðsson, rafgítar og lap steel

Tónleikaröð í samstarfi við Magnús Jóhann Jónsson

Bass player Ingibjörg Turchi and guitarist Hróðmar Sigurðsson have been collaborating for years now in various bands. They have both released separate albums in the last years, Ingibjörg Turchi, Meliae 2020 and Stropha 2023 and Hróðmar, Hróðmar Sigurðsson 2021. The duo will play new music for guitar and electric bass which will be released on an album in 2023 along with selection of pieces from each other's albums and improvisation. 

Bass player and composer Ingibjörg Turchi have been a mainstay in the Icelandic music scene for the last ten years. Ingibjörg has played with many of the nation's most beloved artists in all genres, both in concerts and on recordings. She has also worked in theater and art shows. Since 2017, Ingibjörg has performed regularly under her own name with her band. She has released two solo albums, Wood / work (2017) and Meliae (2020), the latter of which won the Kraumur Prize and was chosen album of the year by Morgunblaðið and straum.is. Meliae also received an award as the Album of the Year in the Jazz and Blues category and for Sound Production of the Year at the Icelandic Music Awards of 2021. Ingibjörg's work, Anemos, was premiered by the Iceland Symphony Orchestra on behalf of Ung-Yrkja in April 2021. Meliae was nominated for the Hyundai Nordic Music Prize in 2021. She released her new album, Stropha, in 2023.

The guitarist Hróðmar Sigurðsson graduated from the FÍH Music School in 2017. Since then, he has worked as a musician and played music with various musicians in all genres. He has also played in bands in theater. Hróðmar's first album, named after him, was released in August 2021 and was released by Reykjavik Record Shop. Hróðmar received recognition at the Icelandic Music Awards 2021 as Newcomer of the Year in the Jazz and Blues category and his band was nominated for Music Performer of the Year, also in the Jazz and Blues category. 

Concert series curated by Magnús Jóhann Jónsson.

Tónleikar - Hróðmar Sigurðsson og Ingibjörg Turchi í Hannesarholti

ADHD kemur fram í Hannesarholti sunnudaginn 7.apríl kl.16, spilar og glensar í Hljóðbergi. Sveitin er nýkomin heim úr hljómleikareisu um Evrópu og því í fanta-spilaformi. Sveitin vinnur einnig hörðum höndum að því að klára sína næstu hljóðversplötu sem tekin var upp í október síðastlðnum; það eru töluverðar líkur á því að glæný lög verði spiluð! En líkt og áður kom fram: Hljómsveitin ADHD leikur tónleika í Hannesarholti laugardagskvöldið 6. apríl næstkomandi. Vonumst til að sjá ykkur sem flest! Miðaverð er 5.900 kr og tónleikarnir hefjast klukkan 20:00. Húsið opnar 19:30 og gengið er inn í Hljóðberg í Hannesarholti af Skálholtsstíg.

The band ADHD performs in Hannesarholt, Grundarstígur 10, Saturday April 6th 2024, at eight pm, plays music and makes fun.

There are bands where every album is a step into the unknown. There are others whose development is a reliable and consistent expansion of their terrain. The latter applies to the Icelandic musicians’ collective ADHD. It is almost impossible to describe their concerts along traditional musical parameters. A performance by these four Vikings is always an all-encompassing ritual, a magic potion of incantation dance and a phenomenon of nature. When keyboarder Tómas Jónsson, guitarist and bass player Ómar Guðjónsson, saxophonist Óskar Guðjónsson, and drummer Magnús T. Eliassen are on stage, the ordinary Middle European mortal will get at least a vague sense of how the island people in the very north of Europe have been able to survive the long and icy winters through the centuries. – They simply produce their energy out of themselves.

This unbridled stream of human vibration, which overrides all perimeters of genre and fascinates jazz fans as much as rock fans and ravers, follows a most ancient human desire, whose non-verbal impulse is older than any language and yet is entirely rooted in the present. The expanse of the cosmos and the infinity of time culminate in this happening of total music, as well as a profound mysticism of free imagination and an unflagging confrontation with contemporary issues. The Gesamtkunstwerk ADHD cannot be quite captured in words. This sublime timelessness in the here and now can only be experienced.

The house is opened at 7.30 pm and tickets are sold at tix.is for IKR 4.900.

Harpa Þorvalds stýrir Syngjum saman í Hannesarholti laugardaginn 6.apríl kl.14. 

Harpa er verkefnastjóri list- og menningartengdra verkefna á Grunnskólaskrifstofu Skóla og frístundasviðs Reykjavíkurborgar og stýrir þar á meðal verkefninu Syngjandi skóli. Áður starfaði hún sem tónmenntakennari og kórstjóri við Laugarnesskóla í Reykjavík. Auk þess hefur Harpa stjórnað vikulegum söngstundum á Hrafnistu frá árinu 2018, haldið utan um viðburðinn Syngjum saman í Hannesarholti á árum áður og er sjálfstætt starfandi tónlistarkona og meðlimur í hljómsveitinni Brek.

Syngjum saman í Hannesarholti með Hörpu Þorvalds

Viktor Orri Árnason fiðlu- og víóluleikari og Rubin Kodheli, sellóleikari, halda tónleika í Hannesarholti föstudaginn 23.mars kl.20 sem nefnast SOUND OF BEING.

"Komdu á dýptina með okkur á tónleika með yfirskriftinni 'The Sound of Being' þar sem ósýnilegar víddir hljóðfæranna okkar taka sviðsljósið. Þessi viðburður er ekki bara tónlistarflutningur; hann er boð um að ferðast um mörk tíma og rýmis.” Rubin Kodheli

Þegar þú stígur inní hljóðríki okkar skaltu búa þig undir ferðalag um hljóðheima sem blanda hinu forna við víddir framtíðar, hinu jarðræna við hið himneska. " 'The Sound of Being' afhjúpar kjarna tónlistarinnar." Viktor Orri Árnason

Á tónleikunum blanda Viktor og Rubin hefðbundnum hljóðfærum og nútímatækni til að kanna möguleika og dýpt hljóðfæranna, setja hljóðfærin í nýtt samhengi. Leitast verður við að brúa bilið milli hins áþreifanlega og hinu óáþreifanlega. 

Slástu í för með okkur í 'The Sound of Being' þar sem könnuð verða mörk þessara strengjahljóðfæra og áhrif þeirra á líf okkar.

                                                      + + + + + + + + + + + + + 

Viktor Orri Árnason and Rubin Kodheli give a concert in Hannesarholt on Friday March 23rd at 8 pm, which they call SOUND OF BEING.

“Dive into the heart of ‘The Sound of Being’ where the unseen dimensions of music are brought to life through a elevating concert experience. This event is not merely a performance; it's an invitation to traverse the boundaries of time and space, exploring the eternal connection between nature, technology, and the human spirit.” - Viktor Orri Árnason

“As you step into our auditory realm, prepare to journey through soundscapes that blend the ancient with the futuristic, the earthly with the ethereal. ‘The Sound of Being’ unveils the essence of music, presenting it not as mere notes and rhythms, but as the universal language, capable of expressing the inexpressible.” - Rubin Kodheli

 Throughout the evening, Viktor and Rubin will use a blend of traditional instruments and modern technology to showcase the versatility and depth of music. With original compositions inspired by nature and future visions, “The Sound of Being” aims to demonstrate the transformative power, and the depth of sound.

The concert will feature segments dedicated to the intrigue of the unseen dimensions of sound, and the potential of music to convey ideas that can’t be vocally articulated.

This event is more than a concert; it's an auditorial journey into the heart of music. Through a combination of live performances, brief talks, and visual elements, “The Sound of Being” seeks to deepen your understanding of music's role in human culture, its evolutionary significance, and its capacity to bridge the gap between the tangible and the intangible.

Join us for “The Sound of Being” and experience a night of discovery, where every note played is a step closer to appreciating the essence of music and its impact on our lives and the world around us.

Syngjum saman í Hannesarholti er í höndum Völu og Óskars Loga laugardaginn 23.mars kl.14. Textar á tjaldi og allir syngja með.

Vala er fjölmiðla- og tónlistarkona sem hefur á s.l. 3 árum sent frá sér 4 vögguvísnaplötur fyrir börn og fullorðna sem vantar smá ró í hjartað. Árið 2020 sigraði hún danskeppnina Allir geta dansað á Stöð2.

Á síðustu árum hefur hún gefið út tónlist með nokkrum af átrúnaðargoðum sínum, Þorgeiri Ástvalds, Bjartmari Guðlaugs og Valgeiri Guðjónssyni. Næsti draumur er að fá að syngja á móti Birgi Haraldssyni, ljá Disney prinsessu rödd sína og auðvitað að leiða Syngjum saman í Hannesarholti. 

Óskar Logi er leiðtogi rokk­hljóm­sveit­arinnar The Vinta­ge Cara­v­an, sem hann stofnaði 11 ára gam­all en hann er gít­ar­leik­ari, söngv­ari, texta- og laga­höf­und­ur. Hljóm­sveit­in spil­ar mikið er­lend­is þar sem hún á góðan aðdá­enda­hóp. Árið 2021 var Óskar sæmd­ur Gullnögl­inni. Viður­kenn­ing­in er veitt ein­stak­lingi sem hef­ur lagt mikið af mörk­um í gít­ar­leik á Íslandi og hafa meðal ann­ars Gunn­ar Þórðar­son og Bubbi Mort­hens hlotið Gullnögl­ina.

Syngjum saman í Hannesarholti veturinn 2023-2024 er til heiðurs Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni þar til að heimsfaraldurinn truflaði taktinn. Um leið og við minnumst hennar viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn. Frítt er inná söngstundirnar í minningu hennar.

Syngjum saman í Hannesarholti með Völu og Óskari Loga

Svandís Egilsdóttir opnar málverkasýningu sína BIRTINGU í Hannesarholti fimmtudaginn 21.mars kl.15-17.  Verkin á sýningunni eru unnin á síðustu tveimur árum með akrílmálningu á striga. Þau eiga sér mörg ákveðinn grunn í hreyfingu öldunnar og vísa til náttúruupplifunar og hugmyndar um að á hverjum myndfleti geta verið fleiri en ein vídd til staðar samtímis.

Titill sýningarinnar vísar í eitt verk með sama heiti, en einnig vinnuaðferðarinn sem Svandís notar við listsköpun sína. Verkið Birting er litríkt og á sama tíma ímynduð ljóðræn náttúrusýn líkt og má segja um öll verkin á sýningunni.

"Ég fer oftast af stað með óljósa hugmynd eða ákvörðun um hreyfingu eða lit og vinn svo með liti og form út frá því sem gerist tilviljanakennt á striganum og í flæðinu. Samtímis vinn ég með það sem gerist inni í mér. Svo held ég áfram að mála í átt að því sem mér finnst hafa einhverja merkingu, eða eftir því sem merkingin verður til og samtal hjartans og litanna birtir."

Svandís lærði myndlist og myndlistarkennslu í Danmörku og Madison, Wisconsin. Hún hefur haldið einkasýningar og tekið þátt í samsýningum frá árinu 1997. Hún starfar sem fagstjòri á vettvangi grunnskòlamàla hjà Reykjavíkurborg.

Sýningin stendur til 16.apríl og er sölusýning, opin á opnunartíma Hannesarholts, alla daga nema sunnudaga og mánudaga frá kl.11.30-16.00.

BIRTING - Svandís Egilsdóttir Málverkasýning - opnun

Ljóðið lifi er ný tónlistarhátíð sem hóf göngu sína síðastliðið vor en þar er ljóðatónlistinni svo sannarlega gert hátt undir höfði. Að þessu sinni verður boðið upp á þrenna tónleika með framúrskarandi söngvurum og vandaðri
efnisskrá í hinum sjarmerandi tónleikasal Hannesarholts, Hljóðbergi.

Skipuleggjendur hátíðarinnar eru Auður Gunnarsdóttir sópransöngkona og Eva Þyri Hilmarsdóttir píanóleikari í samstarfi við Hannesarholt.

1. Föstudagskvöldið 8. mars kl. 20.00
Vetrarferðin
Oddur Arnþór Jónsson barítón og Eva Þyri Hilmarsdóttir píanóleikari flytja Vetrarferðina eftir Franz Schubert, við ljóð Wilhelm Müller.


2. Laugardagurinn 9. mars kl. 17:00
Norrænir tónar
Auður Gunnarsdóttir sópran, Egill Árni Pálsson tenór og Eva Þyri Hilmarsdóttir píanóleikari flytja norræn sönglög eftir m.a. Grieg, Sibelius, Sjöberg, Alfvén, Nordqvist, Stenhammar, Peterson-Berger og Kaldalóns.

3. Sunnudagurinn 10. mars kl. 14:00
Jónas & Heine
Kristín Einarsdóttir Mäntylä mezzosópran og Eva Þyri Hilmarsdóttir píanóleikari flytja lög við ljóð Jónasar Hallgrímssonar og Heinrich Heine. Tónleikar með fræðsluívafi um ljóð Jónasar Hallgrímssonar og áhrif Heinrich Heine á skáldskap hans. Flutt verða lög við ljóð þeirra beggja sem og þýðingar Jónasar á ljóðum Heine. Lögin eru m.a. eftir Atla Heimi, Clöru Schumann, Anton Rubinstein og Mendelssohn.

Flytjendur: Kristín Einarsdóttir Mäntylä mezzosópran, Eva Þyri Hilmarsdóttir píanóleikari.

ATH! 10% forsöluafsláttur til 10. febrúar!

Syngjum saman í Hannesarholti verður í höndum Benna Sig og Sveins Arnar Sæmundssonar laugardaginn 9.mars kl.14. Benni (Benedikt Sigurðsson) hefur m.a stýrt skemmtanahaldi í skíðaskálanum í Hveradölum sl. 3-4 ár við góðan orðstýr og stýrir samsöng í hverri víku bæði í Garðabæ , HFJ og víðar. Sveinn Arnar er organisti í Víðistaðakirkju og er í allskyns verkefnum tengt tónlist.

Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni þar til að heimsfaraldurinn truflaði taktinn. Um leið og við minnumst hennar og heiðrum viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn. Frítt er inná Syngjum saman í Hannesarholti í minningu hennar, sem er haldið reglulega annan hvern laugardag kl.14. Textar á tjaldi svo allir geta sungið með. Allar kynslóðir velkomnar.

Syngjum saman í Hannesarholti með Benna Sig og Sveini Arnari

Ástvaldur Zenki Traustason er píanóleikari og Zen kennari. Hann mun á þessum tónleikum leiða tónleikagesti á vit hins óþekkta í gegnum tónlist og tal - býður á stefnmót við lífið.

„Við lifum í frjálsu falli, vitum ekki hvað morgundagurinn ber í skauti sér. Hefur þú hugrekki til að vita ekki?" -Zenki

Með honum leika tónlistamennirnir Þorgrímur Jónsson á kontrabassa og Scott Mclemore á trommur og slagverk.
Ástvaldur hefur gefið út tvo geisladiska: Hymnasýn og Hljóð og hlaut tilnefningu til íslensku tónlistarverðlaunanna fyrir lagið Heima.

Stefnumót við lífið - Ástvaldur Zenki

Elísabet Ásberg opnar listasýninguna KJARNI í Hannesarholti fimmtudaginn 29.febrúar kl.15-17.

Elísabet er fædd í Keflavík 1967. Náttúran og fólk eru Elísabetu innblástur og notast hún við málma og ýmis náttúruleg efni í sínum verkum. Elísabet túlkar hugarheim sem hún tengir oftar en ekki við tilfinningar og hefur túlkað hugtökin "Jafnvægi", "Kjarni", "Krossgötur" og "Flæði" í verkum sínum sem dæmi. Auk þess skapar hún stór málmverk eftir óskum sem prýða fjölmörg íslensk og erlend heimili og vinnustaði. Þá skartar heimabær hennar Keflavík, stóru útilistaverki eftir listakonuna en einnig á hún stórt verk í EFTA dómshúsinu í Lúxembourg þar sem hún er í góðum félagsskap íslenskra listamanna, íslenskra og erlendra. 

Á þessari sýningu má sjá verk sem túlka hugtökin "Jafnvægi" og "Kjarni". Sýningin er sölusýning og stendur til 19. mars nk.

Elísabet Ásberg - KJARNI Myndlistaropnun 

Syngjum saman í Hannesarholti með Ísold Wilberg

Move - Kvartett Óskars Guðjónssonar í Hannesarholti á alþjóðlega jassdaginn

Bard of Iceland - Syngjum saman til minningar um Dick Ringler

Minning um sumar - tónleikar

Samsöngur með börnum og þeim sem elska barnamenningu í Hannesarholti með Þráni Árna

Björg Brjánsdóttir í Hannesarholti

Á inniskónum: Floni & Magnús Jóhann

Syngjum saman í Hannesarholti með Þórunni Björnsdóttur

María Sigríður Jónsdóttir - APRÍL Málverkasýning

Ljóð og söngur

Tónleikar - Hróðmar Sigurðsson og Ingibjörg Turchi í Hannesarholti

ADHD í Hannesarholti

Syngjum saman í Hannesarholti með Hörpu Þorvalds

SOUND OF BEING - Tónleikar

Syngjum saman í Hannesarholti með Völu og Óskari Loga

BIRTING - Svandís Egilsdóttir Málverkasýning - opnun

Tónlistarhátíðin Ljóðið lifi

Syngjum saman í Hannesarholti með Benna Sig og Sveini Arnari

Stefnumót við lífið - Ástvaldur Zenki

Elísabet Ásberg - KJARNI Myndlistaropnun