Syngjum saman í Hannesarholti verður í höndum Svavars Knúts laugardaginn 24.febrúar kl.14.

Svavar hefur oft stýrt Syngjum saman í Hannesarholti á árum áður, en söngstundinni hefur verið haldið úti í 11 ár, frá vordögum 2013!

Syngjum saman í Hannesarholti veturinn 2023-2024 er til heiðurs Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni þar til að heimsfaraldurinn truflaði taktinn. Um leið og við minnumst hennar viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn. Frítt er inná söngstundirnar í minningu hennar. 

Syngjum saman í Hannesarholti með Svavari Knúti

Píanistinn Romain Collin, sérlegur vinur Hannesarholts, hefur snúið aftur í listamannadvöl í Hannesarhorni og stendur fyrir tónleikafernu á næstu vikum, Romain Collin & gestir 2024, þar sem hann býður til samstarfs framúrskarandi listamönnum. Romain Collin, sem var tilnefndur til Grammy verðlauna 2020 hefur verið reglulegur gestur á Íslandi síðustu ár, og þetta er þriðja tónleikaröðin sem hann stendur fyrir í Hannesarholti.

Fjórðu og jafnframt síðustu tónleikar Romains í Hannesarholti að þessu sinni eru einleikstónleikar laugardaginn 17.febrúar kl.20. Á undan tónleikunum, kl.19, verður frumsýnd kvikmyndin FOSS: Shapeless, sem Romain hefur nýlokið við. Foss varð til í einangruðu húsi utan við Selfoss veturinn 2020. Eftir að hafa gefið út fjögur albúm sem hlutu mikið lof gagnrýnenda ákvað Romain að fara í skapandi einangrun til Íslands til að semja nýja plötu, sækja innblástur í víðáttu ísjaka og í þögnina. Stuttu eftir komu Romain skall á með heimsfaraldri. Það sem áætlað var sem stut einangrun endaði sem sex mánaða óraunveruleg listræn uppgötvun í mikilli einveru. Á meðan hann samdi tónlistina skrásetti Romain ferðalag sitt á 8 mm filmu, VHS og með hjálp dróna. Niðurstaðan er ógnvekjandi falleg og eistök sköpun.

                                                 o o o

Grammy-nominated pianist and composer Romain Collin, a special friend of Hannesarholt, has returned to Hannes' Corner as our artist in residence to curate as concert series in the coming weeks, inviting a superb line up of musicians. Collin has visited Iceland regularly in the last few years and this is his third concert series at Hannesarholt.

Romain’s fourth and final concert in Hannesarholt this time is a solo concert, preceded by the premiere of a film he recently finished, FOSS:Shapeless. FOSS originated in a remote cabin outside of Selfoss during the winter of 2020. Romain planned a retreat to Iceland to compose a new album, drawing inspiration from the vastness of ice deserts and from silence. Shortly after Romain’s arrival the world was hit by a global pandemic. What was planned as a short retreat became a surreal, six-month artistic discovery in near isolation. While composing, Collin documented his journey in 8mm film, VHS and drone. The result is hauntingly beautiful and unique creation.

Romain Collin sólo - FOSS: Shapeless frumsýning

Syngjum saman í Hannesarholti laugardaginn 10.mars 2024 kl.14  með frændunum Jóhanni Vilhjálmssyni og Gunnari Kr. Sigurjónssyni. Þeir eru gestum Hannesarholts að góðu kunnir, enda hafa þeir stjórnað söngstundinni áður af mikilli snilld. Þeir bræðrasynir ólust upp við tóna systkinanna Ellyjar og Vilhjálms, enda var Vilhjálmur faðir Jóhanns og Elly föðursystir þeirra beggja. Jóhann hefur verið í kórum allt frá blautu barnsbeini og Gunnar hefur spilað á hljómborð við ýmis tækifæri í gegnum tíðina, jafnframt því að sinna útgáfustarfsemi og sýna töfrabrögð ýmiskonar.

Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni þar til að heimsfaraldurinn truflaði taktinn. Um leið og við minnumst hennar og heiðrum viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn. Frítt er inná Syngjum saman í Hannesarholti í minningu hennar, sem er haldið reglulega kl.14 á laugardögum. Textar á tjaldi og allir syngja með. Streymt verður frá stundinni fyrir þá sem ekki geta verið með.

Syngjum saman í Hannesarholti með Jóhanni Vilhjálms og Gunnari Kr.Sigurjónssyni

S.Carey söngvari og lagahöfundur er gestur Romain föstudaginn 9.febrúar kl.20. Carey er einn af lykilmeðlimum bandarísku hljómsveitarinnar BON IVER, sem mun vera meðal áhrifamestu indie-folk sveita síðasta áratuginn. S.Carey hefur jafnhliða byggt upp blómlegan sólóferil og á þessum einstöku tónleikum munu þeir Romain leika í sameiningu eigin lög.

Grammy-nominated pianist and composer Romain Collin, a special friend of Hannesarholt, has returned to Hannes' Corner as our artist in residence to curate as concert series in the coming weeks, inviting a superb line up of musicians.

On Friday, February 9th at 8pm, Romain will be hosting American singer and songwriter S. Carey. A key member of the acclaimed indie-folk group BON IVER, Carey has significantly impacted the music scene over the last ten years. S. Carey has also established a criticaly acclaimed solo career and in this special event, Carey and Romain will collaborate to perform their original songs.

11.ára Amælispartý Hannesarholts.   

Mat­reiðslu­meist­ar­arn­ir og eigendur Flóru veisluþjónustu, þeir Sigurjón Bragi Geirsson og Sindri Guðbrandur Sigurðsson töfra fram margrétta afmælisveislu Hannesarholts fimmtudaginn 8.febrúar 2024 kl.18.30.

Þeir félagar eru mjög færir í sínu fagi og hafa unnið til fjölmargra verðlauna. 

Vatnsdeigsbolla, reykt ýsusalat, sýrður laukur, kartöflur og epli

Ristað eggjabrauð, stökkt blómkál, ostakrem og parmesan

Reykt bleikja, pönnukaka, wasabi-rjómi og granatepli

Hægeldaður lax með yuzugeli, epla-og hnúðkálsbitum, radísum, graslauk, ásamt dilli og sítrónuconfit.

Íslenskir tómatar, yuzu krem, basil og tómatseyði.

Nautaulund með confitkartöflu ásamt kartöflumús, fylltum sveppi með lauksultu, grænum aspas og púrtvínssósu.

Afmælisveisla Hannesarholts og Flóru veisluþjónustu

Kjartan Ari Pétursson opnar málverkasýningu sína SPÍRALAR INNÍ SPÍRALA í Hannesarholti fimmtudaginn 8.febrúar kl.15. 

Kjartan er fæddur í Reykjavík 1972. Hann fæst við teikninginguna, með petta. Verk hans eru tvívíð, en innan myndarammans rúmast hyldýpi sem skapast við tímakrefjandi hreyfingar handar og auga við teikninguna, "sem hefst á einum punkti á blaði og hringgerist, gárast eða bylgjugerist í þær áttir sem hugurinn beinir þeim í, í ákveðnu flæðis-ástandi, utan tíma og út fyrir myndaramman." Kannski má líta á verkin sem mynd af undirvitund?

Sýningin er sölusýning og stendur til 27.febrúar.

Myndlistaropnun - Kjartan Ari Pétursson SPÍRALAR INNÍ SPÍRALA

Miðvikudaginn 7. febrúar verða 120 ár liðinn frá fæðingu Einars Ragnars Jónssonar, sem er þó betur þekktur undir nafninu Ragnar í Smára. Hann var goðsögn í lifanda lífi; kraftmikill sveitastrákur úr Flóanum sem gerðist iðnrekandi, bókaútgefandi, málverkasafnari og lífið og sálin í íslensku tónlistarlífi um áratugaskeið. Í tilefni af þessum tímamótum efnir Hannesarholt óformlegs afmælisfagnaðar í tali og tónum. Jón Karl Helgason, sem þekkir vel til ferils afmælisbarnsins sem bakjarls íslensks menningarlífs, segir sögur af Ragnari og samferðafólki hans, auk þess sem Marteinn Sindri Jónsson bregður á leik með einstakar hljóðmyndir úr lífi Ragnars. Formleg dagskrá hefst klukkan 17.00 í Hljóðbergi, sal Hannesarholts, en kaffihúsið á jarðhæðinni er opið á undan fyrir þá sem vilja koma fyrr og skála fyrir afmælisbarninu.

Mat­reiðslu­meist­ar­arn­ir og eigendur Flóru veisluþjónustu, þeir
Sigurjón Bragi Geirsson og Sindri Guðbrandur Sigurðsson eru mjög færir í sínu fagi og hafa unnið til fjölmargra verðlauna. Þeir töfra fram margrétta fiskiveislu í Hannesarholti laugardaginn 3.febrúar 2024 kl.18.30.

Marinerið hörpuskel með tapioca perlum og epla-dill vinargrette.

Léttgrafin lúða með kryddjurtakremi, radísum, rauðlauk, confit- elduðum tómötum og kryddjurtum.

Kremuð Humarsúpa með cappuccino froðu, lakkrís og kaffi olíu.

Grillaður skötuselur með kartöflumús og confit eldaðri kartöflu, fylltur sveppur með lauksultu, brokkolíni og kampavínssósu.

Pistasíukaka með sítrónukremi, pistasíupralín og pistasíuís. 

Fiskiveisla Hannesarholts og Flóru veisluþjónustu 

Kári Egilsson, Nicolas Moreaux og Matthías Hemstock spila í Hannesarholti kl 16:30 á laugardaginn 3. febrúar. Á tónleikunum verður fjölbreytt og skemmtileg efnisskrá með lögum eftir Kára og sérvöldum lögum eftir aðra.

Kári Egilsson, Nicolas Moreaux, and Matthías Hemstock will play at Hannesarholt on Saturday, February 3rd at 16:30. They’ll play a diverse program of Kári’s originals and a selection of songs by other composers.

Sara Oskarsson veitir leiðsögn um málverkasýningu sína ÍSTAKA í Hannesarholti laugardaginn 3.febrúar kl.13. 

Á sýningunni eru verk eftir Söru unnin á striga og panel með olíu og vaxi. Verkin eru úr nýrri borgar-seríu sem eru innblásin af dýnamíkinni hjá Tjörninni í Reykjavík.

Titill sýningarinnar vísar til ístöku á tjörninni sem fór fram í Reykjavík á fyrri hluta síðustu aldar. Ísinn var notaður í íshúsin í Reykjavík og til að ísa fisk fyrir siglingar með glænýjan fisk.

Ístaka var erfiðisvinna í kulda og trekki. Ísinn var högginn þar sem að hann var tærastur og bestur og síðan sprengdur frá ísbrúninni með járnkörlum. Íshellunum var svo raðað á sleða sem hestar drógu að geymslum íshúsa. 

Var þetta allt saman hið kalsamasta verk og erfitt enda vont að ná haldi á blautum ísnum. Jakarnir voru vegnir upp á skörina með ísstöngum og áfram á sleðana. Hestar siluðust í átt að litlu steinbryggjunni, eftir henni upp tjarnarbakkann og síðan á ákvörðunarstað. Þetta var oft hið tafsamasta ferðalag því ísstykkin vildu velta af sleðunum.

Íshúsið Herðubreið sem stendur við tjörnina hýsir nú Listasafn Íslands.

Sara sem er fædd Reykjavík og á ævilangar minningar þaðan gerir tjörnina og umhverfi að viðfangsefni sínu og líkir starfi og viðleitni málarans við ákveðna “ístöku”.

Að fanga augnablik, stemmningu, hugmyndir, birtu og sál - að skapa eitthvað úr nærumhverfi sínu við hin ýmsu skilyrði. Að fanga það sem er hvikult. Sýnd veiði en ekki gefin.

Sara Oskarsson - Leiðsögn um sýninguna ÍSTAKA 

Óskar Guðjónssson saxófónleikari er gestur Romains föstudagskvöldið 2.febrúar kl.20. Það þarf ekki að kynna Óskar Guðjónsson fyrir gestum Hannesarholts, enda er hann vel þekktur í íslensku tónlistarlífi, ekki síst fyrir ár sín sem meðlimur hljómsveitarinnar ADHD. Saxófónstíll Óskars og lipur píanóspuni Romains munu skapa menningarlega ríka og hljóðrænt fjölbreytta tónlistarupplifun.

Píanistinn Romain Collin, sérlegur vinur Hannesarholts, hefur snúið aftur í listamannadvöl í Hannesarhorni og stendur fyrir tónleikafernu á næstu vikum, Romain Collin & gestir 2024, þar sem hann býður til samstarfs framúrskarandi listamönnum. Romain Collin, sem var tilnefndur til Grammy verðlauna 2020, hefur verið reglulegur gestur á Íslandi síðustu ár, og þetta er þriðja tónleikaröðin sem hann stendur fyrir í Hannesarholti.

ROMAIN COLLIN & GESTIR Í HANNESARHOLTI 2024

Romain Collin & GDRN sunnudaginn 28.janúar kl.19

Romain Collin & Óskar Guðjónsson laugardaginn 2.febrúar kl.20

Romain Collin & S.Carey föstudaginn 9.febrúar kl.20

Romain Collin solo  - Frumsýning FOSS shapeless 17.febrúar kl.20/19

GDRN, Guðrún Ýr Eyfjörð, er sérstakur gestur Romain á fyrstu tónleikunum, 28.janúar kl.19 í Hannesarholti. Guðrún undirbýr fyrir tónleika sína í Hörpu 11. maí næstkomandi, en á sunnudaginn mun hún ljá kvöldinu töfra í Hljóðbergi með sinni einlægu og tilfinningaþrungnu rödd á fyrstu tónleikum Romain Collin & gestir 2024, þar sem hún syngur bæði frumsamin og hefðbundin íslensk lög við undirleik Romains Collin.

Grammy-nominated pianist and composer Romain Collin, a special friend of Hannesarholt, has returned to Hannes' Corner as our artist in residence to curate as concert series in the coming weeks, inviting a superb line up of musicians. Collin has visited Iceland multiple times in the last few years. This is his third concert series in Hannesarholt.

ROMAIN COLLIN & GUESTS IN HANNESARHOLT 2024:

Romain Collin & GDRN – Friday Janary 28th  7pm

Romain Collin & Óskar Guðjónsson – Saturday February 2nd 8pm

Romain Collin & S.Carey – Friday February 9th at 8pm

Romain Collin solo – Foss shapeless Premiere February 17th  8/7 pm

GDRN, Guðrún Ýr Eyfjörð, is Romain's special guest on his first concert, January 28th at 7pm. As she is gearing up for her highly anticipated return to Harpa on May 11, GDRN will grace the stage of Hannesarholt with her deeply emotive and soulful voice, singing original material, as well as, traditional Icelandic songs.  

Tónlistarmennirnir Konrad Artur Cygal, tenór frá Póllandi, og Stefano Chiurchiù, píanóleikari frá Ítalíu, sækja Ísland heim og bjóða til styrktartónleika í Hannesarholti laugardaginn 27.janúar kl.16. Á efnisskránni eru verk eftir Heinrich von Herzogenberg, Robert Schumann, Richard Strauss, Johannes Brahms og Franz Schubert.

Tónleikarnir eru hluti af alþjóðlegri námsferð þeirra félaga og eru styrktir af FM+ Baranski GmbH and Nuki og afrakstur miðasölu er til styrktar menningarstarfsemi í Hannesarholti.

                                          -   0   -

Art Songs by Heinrich von Herzogenberg, Robert Schumann, Richard Strauss, Johannes Brahms and Franz Schubert

Tenor: Konrad Artur Cygal
Piano: Stefano Chiurchiù

Program:
R. Strauss - Morgen (Op. 27, Nr. 4)
R. Strauss - Nichts (Op. 10, Nr. 2)
R. Strauss - Mein Herz ist stumm, mein Herz ist kalt (Op. 19, Nr. 6)
H. von Herzogenberg - Ihr Auge (Op. 97, Nr. 2)
H. von Herzogenberg - Der Vögel Abschied (Op. 91, Nr. 6)
R. Schumann - Schöne Wiege meiner Leiden (Op. 24, Nr. 5)
R. Schumann - Warte, warte, wilder Schiffmann (Op. 24, Nr. 6)
J. Brahms - Du sprichst, dass ich mich täuschte (Op. 32, Nr. 6)
F. Schubert - Erstarrung (Op. 89, Nr. 4)
F. Schubert - An Schwager Kronos (Op. 19, Nr. 1)
H. von Herzogenberg - Der schwarze Ritter (Op. 101, Nr. 1)
H. von Herzogenberg - Treue (Op. 91, Nr. 2)
H. von Herzogenberg - Schlaf nur ein (Op. 96, Nr. 2)

Rómantískir tónar frá Evrópu - Konrad og Stefano

Hvassófjölskyldan, Hvassaleiti 75, leiðir Syngjum saman í Hannesarholti laugardaginn 27.janúar kl.14. Svana Víkings verður á píanóinu. Fjölskyldan ólst upp við ríka sönghefð á heimili sínu og þau elstu bjuggu við þann lúxus að hverja nýjársnótt fylltist húsið af söngelskum nágrönnum og allir tóku undir til að fagna nýja árinu. Yngri kynslóðir hafa verið munstraðar inní fjölskylduhefðina og samsöngurinn í hávegum hafður í samveru fjölskyldunnar, sem hefur margoft áður leitt söngstundir í Hannesarholti. 

Syngjum saman í Hannesarholti veturinn 2023-4 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni á meðan stætt var. Um leið og við minnumst hennar og heiðrum viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn. Frítt er inná Syngjum saman í vetur henni til heiðurs, sem er haldið reglulega á laugardögum kl.14. Textar á tjaldi og allir syngja með. 

Syngjum saman í Hannesarholti með Hvassófjölskyldunni 

Meistarakokkarnir Sindri og Sigurjón hjá Flóru veisluþjónustu töfra fram margrétta veganveislu laugardaginn 20.janúar 2024 í Hannesarholti.  Á matseðlinum er meðal annars

Rauðrófu tartar, ristuð sólblómafræ, piparótar krem og grillað súrdeigsbrauð.
-
Íslenskir tómatar, yuzu krem, basil og tómatseyði.
-
Villisveppa aranchini, Sveppa krem, steikt grænkál og valhnetur.
-
Wellington með graskeri og pistasíum, Sveppur fylltur með lauksultu, grænn aspass og confit elduð kartafla og sveppasósa.
-
Súkkulaði og heslihnetufondant, bakað smjördeig, salt karamella og jarðaberja ís.

Vegan veisla Hannesarholts og Flóru veisluþjónustu

Sara Oskarsson opnar málverkasýningu sína í Hannesarholti fimmtudaginn 18. janúar kl.15-17.

Á sýningunni sem nefnist ÍSTAKA eru verk eftir Söru unnin á striga og panel með olíu og vaxi. Verkin eru úr nýrri borgar-seríu innblásin af dýnamíkinni hjá Tjörninni í Reykjavík.

Ístaka var erfiðisvinna í kulda og trekki. Ísinn var högginn þar sem að hann var tærastur og bestur og síðan sprengdur frá ísbrúninni með járnkörlum. Íshellunum var svo raðað á sleða sem hestar drógu að geymslum íshúsa.

Sara Oskarsson fæddist árið 1981 í Reykjavík og ólst að hluta til upp í Skotlandi. Hún útskrifaðist með B.A. gráðu í listmálun frá Edinburgh College of Art í Skotlandi árið 2012 og hefur starfað sem listmálari í meira en tvo áratugi.

Sara hefur haldið fjölmargar einkasýningar og einnig tekið þátt í mörgum samsýningum.

Fjallað hefur verið um verkin hennar í Telegraph dagblaðinu í Bretlandi og á Arte.Tv í Frakklandi, Þýskalandi og Austur Evrópu.

Verkin hafa selst til listaverkasafnara um allan heim; meðal annars til Bretlands, Írlands, Frakklands, Danmörku, Indlands, Bandaríkjanna, Hollands og Ástralíu. Árið 2013 hlaut verk eftir Söru tilnefningu til Art Gemini Prize -verðlaunanna í Bretlandi.

Sara starfar sem listamaður í fullu starfi og er með vinnustofu á Hverfisgötu 14 í Reykjavík.

Sara Oskarsson - málverkasýning opnun - Ístaka

Stella Sæmundsdóttir veitir leiðsögn um málverkasýningu sína INNRI UMBROT í Hannesarholti fimmtudaginn 11.janúar kl.13.30. Sýningin nefnist INNRI UMBROT og samanstendur af nýlegum verkum Stellu sem unnin eru á striga með blandaðri tækni, vatnslitum, akrýllitum og kvoðu. Innblástur hennar kemur frá eigin ofvirka huga sem og tengslum við náttúruna. Henni er hugleikið hvernig innri og ytri heimar okkar tengjast og virka hvor á annan. Hún notar verkin til að túlka orkuna sem fer í krefjandi hugsanir um flókin málefni og er öðrum ósýnileg. Stella vinnur mikið með form höfuðsins sem vísar í þennan ósýnilega innri heim sem tengist lífinu öllu, hvernig við sjáum það, upplifum og mótum.

Stella hefur síðustu ár mest unnið með vatnsliti og teikningu í bland við stafræn verk en tók ákvörðun um að leggja áherslu á málverk unnin á striga árið 2022 og er nú með vinnustofu í Hafnarhúsinu.

Sýningin er sölusýning og er opin á opnunartíma Hannesarholts, frá 11:30-16:00 alla daga nema sunnudaga og mánudaga. Sýningin stendur til 16.janúar.

Stella Sæmundsdóttir - Leiðsögn um sýninguna INNRI UMBROT

Við bjóðum gesti hjartanlega velkomna í Jól í hádeginu í Hannesarholti í desember. Borðapantanir í s. 511 1904 og á hannesarholt@hannesarholt.is

Jól í hádeginu í Hannesarholti í desember

Tónlistarkonan Ingibjörg Steingrímsdóttir býður ykkur hjartanlega velkomin á tónleika í Hannesarholti laugardaginn 16. desember kl. 20.

Efnisskráin verður fjölbreytt en hún inniheldur meðal annars úrval jóla- og popplaga, sem og lög af EP plötu sem er væntanleg frá henni á næsta ári.  

 Auk Ingibjargar koma söngkonan Zoë Vala Sands og sellóleikarinn Yana Prykhodko fram á tónleikunum.

Tónleikar - Ingibjörg Steingríms í Hannesarholti

Eva Dögg Guðmundsdóttir verður með POP UP sýningu í veitingastofum Hannesarholts dagana 15.-16. desember sem að hún hefur nefnt Lífshlaupið.

Þar verða til sölu lampar úr vörulínunni Verðlaunahafinn. Laugardaginn 16.desember milli klukkan 14:00-16:00 mun Eva taka á móti gestum og gangandi og boðið verður uppá léttar veigar.

Lífshlaupið:
Lampavörulínan Verðlaunahafinn er frumraun Evu á sviði listsköpunar.
Lamparnir eru hannaðir úr verðlaunabikurum og er hver lampi samsettur úr 6-7 bikörum sem á að tákna lífshlaup hvers og eins. Á hverri mannsævi mætum við sorgum og sigrum, mótlæti og meðgjöf. Verðlaunabikararnir koma úr einkasafni íþróttaafreka þar sem bæði hafa verið unnir sigrar og tapað. Í afreksíþróttum er það þannig að þeir sem standa á verðlaunapalli og hreppa annað sæti, hafa tapað fyrir sigurvegaranum, en fá samt bikar. Í lífshlaupinu er það svo að þegar að hlutirnir fara ekki á þann veg sem
við óskum reynir á þrautseigjuna og seigluna að koma okkur áfram í lífinu og það rís nýr dagur. Lampinn er hugsaður til að heiðra lífssögu hvers og eins.

Verðlaunahafinn er hannaður fyrir einstaklinginn sem var kannski ekki afreksíþróttamaður en á svo sannarlega bikar skilið hvernig hann/hún/hán hefur staðið sig í lífinu.

Um hönnunina:
Lamparnir eru íslensk hönnun og framleiddir úr aðfengnum efniviði þar sem hvert eintak á sér einstaka sögu afreka. Má segja að Eva starfi á mörkum hönnunar og listhandverks. Hönnunarfyrirmynd lampans er gamli marmaralampinn sem var til á flestum
íslenskum heimilum á árunum 1960-1970. Formin eru ólík á bikurunum en eru látin passa saman á samskeytunum svo að í hverjum lampa eru kúlur og keilur að formi. Inni í þeim eru svo marmari sem hefur verið slípaður niður úr afrekssafninu, svo að marmarinn passi inn í formin og að lampinn sé stöðugur.

Um Evu Guðmundsdóttir (f. 1982)
Eva er með meistaragráðu í Menningar og innflytjendafræðum ásamt Uppeldis og menntunarfræðum frá Háskólanum í Hróarskeldu (2013). Hún var lengi búsett í Danmörku en flutti aftur til Íslands 2015. Á ferli sínum hefur Eva hefur starfað hjá hinu opinbera, hjá félagasamtökum og verið sjálfstætt starfandi á sviði félags- og mannúðarmála. Eva hannar undir vörumerkinu EVAAN og finna má meira um hönnun hennar á heimasíðunni www.evaan.is og einnig á Instagram.

Syngjum saman í Hannesarholti með Svavari Knúti

Romain Collin sólo - FOSS: Shapeless frumsýning

Syngjum saman í Hannesarholti með Jóhanni Vilhjálms og Gunnari Kr.Sigurjónssyni

Romain Collin & S.Carey

Afmælisveisla Hannesarholts og Flóru veisluþjónustu

Myndlistaropnun - Kjartan Ari Pétursson SPÍRALAR INNÍ SPÍRALA

Sögur af Ragnari í Smára

Fiskiveisla Hannesarholts og Flóru veisluþjónustu

Kári Egilsson tríó