Minna  er meira þessa dagana og mun Ólöf leika aftur í þágu menningar í  Hannesarholti á tímum Covid-19 á annan í páskum. Að þessu sinni eina  C-dúr prelúdíu úr einleikssvítu fyrir selló eftir Jóhann Sebastian Bach.

Streymt verður beint frá Hljóðbergi á fésbókarsíðu Hannesarholts.

Prelúdía á páskum - Ólöf Sigursveins leikur Bach

Hannesarholt  hefur hlúð að söngarfinum síðastliðin sjö ár með því að bjóða uppá  Syngjum saman undir stjórn fagfólks í Hljóðbergi, þar sem textar birtast  á tjaldi og allir taka undir. Nú breytum við um stíl í samkomubanninu  og streymum Syngjum saman beint á fésbókarsíðu Hannesarholti balla  sunnudaga kl.14. Ellen Kristjánsdóttir og Eyþór Gunnarsson stjórna  söngstundinni í beinu streymi frá Hannesarholti sunnudaginn 5.apríl  kl.14. Á efnisskránni verða íslensk sönglög, sálmar og ýmis lög sem  Ellen hefur sungið á ferli sínum og allir geta tekið undir heima hjá sér  eða hvar sem þeir geta notið.

Ellen Kristjánsdóttur söngkonu þekkja flesti Íslendingar. Á löngum og  litríkum ferli hefur hún sungið fjölda laga sem lifa með þjóðinni.  Samstarf hennar við Magnús Eiríksson og Mannakorn hefur verið sérlega  árangusríkt en auk þess hefur hún m.a. gefið út 6 diska í eigin nafni og  2 diska með bróður sínum, Kristjáni. Diskur hennar, Sálmar, hlaut  íslensku tónlistarverðlaunin árið 2004.

Eyþór Gunnarsson píanó- og hljómborðsleikari kom fyrst fram á  sjónarsviðið með hljómsveitinni Mezzoforte, sem hann stofnaði ásamt  félögum sínum árið 1977. Sveitin starfar enn við góðan orðstír og spilar  árlega víða um heim. Eyþór hefur auk þess verið afkastamikill í  íslensku tónlistarlífi, hefur tekið þátt í fjölda tónleika og gerð u.þ.b  200 hljómdiska með mörgum af þekktustu listamönnum þjóðarinnar.

Ólöf  Sigursveinsdóttir sellóleikari og Einar Bjartur Egilsson píanó leika  saman sunnudaginn 5.apríl kl.12.15-12.45 í beinu streymi frá Hljóðbergi  Hannesarholts. Lögin eru ein þau allra fegurstu eins og Liebestraum  eftir Franz Liszt í útsetningu sellóleikarans Cassado, lag úr  kvikmyndinni Schindler’s List eftir John Williams og ekki síst dýsæt  íslensk náttúrustemning eftir píanistann Einar Bjart. Lagalistinn verður  ekki ýkja langur en þeim mun betri!

Mega þá allir njóta þeirrar gjafar sem listin veitir á einstökum tímum heima í stofu eða eldhúsi sínu!

Ólöf Sigursveins og Einar Bjartur í beinni

Guðrún  Árný syngur og leikur á píanó hugljúf lög sem hafa fylgt henni í gegn  um árin. Tónleikarnir hefjast kl. 20:00 miðvikudaginn 1.apríl og verður  streymt beint frá Hljóðbergi á fésbókarsíðu Hannesarholts.

Guðrún Árný Karlsdóttir er fjölhæf tónlistarkona. Hún fléttar saman  störf sín sem tónmenntakennari og söngkona auk þess að hugsa um  fjölskylduna sína, börnin sín þrjú.

Guðrún Árný hefur sungið frá því hún var lítil stúlka og tók sín fyrstu söng skref i barnakór Öldutúnsskóla í Hafnarfirði.

Hún hefur sungið við ýmsa viðburði yfir árin. Sigraði söngvakeppni  félagsmiðstöðva og framhaldsskóla ung að árum. Hefur sungið oft í  undankeppni eurovision. Var í Frostrósum hér um árið og hefur síðan  haldið sína eigin jólatónleika í mörg ár í Viðistaðakirkju í  Hafnarfirði.

Guðrun Árný spilar sjálf undir söng sinn á píanó og syngur orðið allt  árið um kring í brúðkaupum, treður upp í afmælum og á skemmtistöðum með  sing-along. Heldur litla tónleika hér og þar eftir því sem við á.

Lög má finna inná Spotify og einnig á Youtube.

Allar helstu upplýsingar á: gudrunarny.is

Guðrún Árný í beinni frá Hannesarholti

Kæru landsmenn !
Hljómsveitin  Snærið mun koma sér vel fyrir með svokallað jazz flow í samstarfi við  Hannesarholt. Viðburðinum verður streymt í beinni frá Hannessarholti 31.  mars kl 20:00 og mikið jazz flæði mun eiga sér stað.

Með þessum viðburði viljum við senda út í kosmósið hlýja og fallega  strauma til fólks sem búið er að glíma við veikindi og til þeirra sem  þurfa að vera heima frá vinnu í sóttkví. Sérstakar kveðjur til  heilbrigðisstarfsfólks sem sinnir vinnu sinni í þágu samfélagsins. Bara  stilla inn á Facebook síðu Hannesarholts kl 20:00 þá sjáiði þetta og svo  bara muna að njóta og muna að þvo sér um hendurnar!! Hlökkum til að sjá  ykkur vera með í watchpartýi !

Hrafnhildur Magnea Ingólfsdóttir: Söngur

Hannesarholt hlúir að innsta kjarna íslenskrar menningar:  sönghefðinni og býður uppá samsöng fyrir alla, unga sem aldna,  íslendinga sem aðflutta, undir stjórn kunnáttufólks alla jafna annan  hvern sunnudag. Á meðan á samkomubanni stendur gefum við í og höldum  samsöng alla sunnudaga. Frítt fyrir börn í fylgd með fullorðnum, sem  greiða 1000 króna aðgangseyri. Textar birtast á tjaldi og allir taka  undir.

Okkar ástsæli Svavar Knútur Kristinsson stjórnar samsögnum og leikur á  gítarinn og ukulele. Svavar hefur margoft stjórnað samsöng í  Hannesarholti við mikla gleði gesta. Streymt verður frá samsöngnum á  fésbók að vanda og þeir sem ekki eiga heimangengt geta notið heima hjá  sér.

Hannesarholt hlúir að innsta kjarna íslenskrar menningar:  sönghefðinni og býður uppá samsöng fyrir alla, unga sem aldna,  íslendinga sem aðflutta, undir stjórn kunnáttufólks. Frítt fyrir börn í  fylgd með fullorðnum, sem greiða 1000 króna aðgangseyri. Textar birtast á  tjaldi og allir taka undir.

Okkar góðkunni Ómar Ragnarsson leiðir söngstundina sunnudaginn  15.mars kl.14. Hann kom gestum skemmtilega á óvart í haust þegar hann  stjórnaði söngstundinni og kenndi gestum m.a. frumsamin lög sem ekki  höfðu heyrst áður. Hann leiðir nú söng á fjölbreyttum og söngvænum lögum  úr smiðju Ómars á ljúfum og léttum nótum með myndum og tónum í  blandaðri og breyttri dagskrá.

Vignir Jóhannsson listmálari opnar sýningu sína Fegurð og fögnuður / beauty and serenity í  veitingastofum Hannesarholts laugardaginn 14.mars kl.15. Á sýningunni  eru landslagsmálverk og fíguratíf, „sjáðu mig“ verk, sem Vignir hefur  unnið að undanförnu í Danmörku, þar sem hann býr og starfar.

Vignir hefur starfað að myndlist og sýnt verk sín allt frá árinu  1978, bæði á Íslandi og víða erlendis. Hann hefur yfir ferilinn unnið  grafíkverk, skúlptúra, leikmyndir og málverk. Sýningin er sölusýning og  stendur fram að páskum, að minnsta kosti.

Það getur gerst við listsköpun að fegurð mæti fordómum ef  listamaðurinn heldur henni frá verki sínu. Í staðinn fyrir fegurðina býr  hann til listaverk sem hverfist til dæmis um andstæða krafta sem takast  á um tilfinningar og veita verkinu afl og styrk. Allt annað gerist ef  fegurðin er sett í framsætið. Listamaðurinn þarf að finna þá þörf hjá  sér að einfalda viðfangsefnið og koma fegurðinni, eins og hann sér hana,  fyrir í túlkun sinni í verkinu. Oft þarf að treysta á skynjun  fegurðarinnar til að geta túlkað hana einfaldlega og án tilgerðar. Þetta  er ekki alltaf auðvelt þar sem fegurðin er svo margbrotin. Reynsla  listamannsins ræður vali hans á myndefni, litum og formum. Þessi verk  eru mín túlkun á fegurð og fögnuði sem lífið hefur fært mér gegnum  tíðina.

Náttúran er meira undraverk en listin getur nokkru sinni náð að  fullkomna. Í ljósi og litbrigðum á mótum lands og sjávar birtist fegurð  sem fangar hug áhorfandans. Myndefnið er ekki nýtt í sögulegu samhengi  en myndirnar freista ferskrar nálgunar að fegurðinni sem er túlkuð hér á  látlausan hátt gegnum þekkta fjallasýn og sjávarsýn og mjúk litabrigði  sem ögra ekki tilfinningum. Fegurðarinnar má njóta án fyrirhafnar og í  látlausu jafnvægi.

Nútíminn leyfir okkur fyrir sitt leyti að halda upp á eigin árangur,  bæði í leik og starfi. Þegar við náum settu marki – komumst yfir  marklínuna í maraþonhlaupi, skorum mark eða náum upp á fjallstindinn –  teygjum við hendurnar upp til himins í líkamlegri tjáningu á fögnuði  okkar yfir eigin árangri. Sjáðu mig! Nú mega aðrir taka eftir. Þetta er  hluti af fögnuðinum yfir fegurð lífsins. Þetta myndefni er mér hugstætt  og táknrænt fyrir atvik sem flestir geta lent í að upplifa. Sem barn úti  í náttúrinni setti maður sér oft það markmið að klífa stóran stein sem  varð á vegi manns. Þegar það tókst að ná settu marki vildi maður deila  með öðrum unnum sigri á steininum og gleði sigurvegarans. Unnum sigrum í  eigin lífi getum við leyft okkur að fagna án hiks og svo aðrir sjái.  Það vekur góðar tilfinningar, uppörvun og innri sátt.

Sjá nánar á Atelier Vignir á fésbók.

Hannesarholt er lokað tímabundið vegna heimsfaraldursins, en það má  hafa samband og sjá sýningu Vignis eftir samkomulagi. Hér getur að líta  nokkur myndbönd frá sýningunni.

Fegurð og fögnuður - Vignir Jóhannsson

Fimmtudagskvöldið 12.mars verður tónleikasögustund í Hannesarholti  með Gísla Helgasyni blokkflautuskáldi úr Vestmannaeyjum og Herdísi  Hallvarðsdóttur bassaleikara úr Skaftahlíðinni í Reykjavík. Þau hafa  lengi fengist við tónlist, Herdís spilaði með Grýlulnum, Karma, Hálft í  hvoru og Islandicu, og Gísli spilaði með Arnþóri tvíburabróður sínum í  mörg ár og var einn upphafsmanna Vísnavina, hann lék með Islandicu og  Hálft í hvoru og fleiri hljómsveitum. Hann hefur komið að gerð  fjölmargra hljómplatna og hljómdiska. Auk þess hefur hann verið  afkastamikill dagskrárgerðarmaður hjá Ríkisútvarpinu.

Með þeim verður Guðmundur Benediktsson gítarleikari og söngvari, en  hann lék Jesú Krist í uppfærslu á Jesus Christ Superstar í  Austurbæjarbíói 1973 og hefur leikið með fjölda hljómsveita, þ.á.m.  Brimkló, Mánum, og Islandicu, en sú hljómsveit ferðaðist víða erlendis  og hélt á annað hundrað tónleika í 10 löndum Evrópu.

Hafsteinn Guðfinnsson gítarleikari úr Vestmannaeyjum verður einnig  með, en Hafsteinn er afburða gítarleikari og hefur spilað með ýmsum.  Þeir Gísli hafa spilað saman í um tvo áratugi með fleiri peyjum úr  Eyjum. Hafsteinn er manna fróðastur um söngmenningu Vestmannaeyinga og  er hafsjór af skemmtilegum sögum. Ung söngkona Dagbjört Andrésdóttir mun  einnig taka þátt í tónleikunum, en hún ólst upp í Söngskólanum Domus  Vox og stundar nú söngnám í Söngskóla Sigurðar Dementz.

Flutt verða mörg af lögum þeirra Gísla og Herdísar, sagðar skemmtisögur og salurinn virkjaður með í fjöldasöng.

Tónleikasögustund með Herdísi Hallvarðs og Gísla Helga

Sunnudaginn 1.mars kl.16 verður flutt í Hljóðbergi Hannesarholts  verkið Stílæfingar eftir Raymond Queneau, sem er eitt frumlegasta og  þekktasta verk í frönskum bókmenntum síðari ára. Sveinn Einarsson er  leikstjóri flutningsins og milli kafla leika þau Anna Guðný  Guðmundsdóttir, píanóleikari, Einar Jóhannesson, klarinettuleikari og  Sigurður I. Snorrason, klarinettuleikari létta skemmtitónlist sem  franska tónskáldið Louis Dunoyer de Segonzac samdi til flutnings með  verkinu árið 2008.

Höfundurinn tilheyrði hópnum sem hélt til á Saint Germain des Près  eftir stríð, Simone de Beauvoir, Camus, Sartre, Juliette Greco og ótal  annarra listamanna, en þar þótti mikil listræn gerjun. Þetta verk  Queneaus er sérstætt og þekkt um heim allan, því að þar er sama sagan  sögð í nær 100 útgáfum, stíltilbrigðum, bragarháttum og bragleysi, í  hástemmdu máli og á götumáli.

Þýðing þessa verks þykir mikið vandaverk, en hér er það flutt i  íslenskum búningi Rutar Ingólfsdóttur; verkið var flutt á listahátíð á  Hvoslæk í Fljótshlíð við mikinn fögnuð í sumar og verður nú vegna fjölda  áskorana einnig flutt í Reykjavik. Farið er að fordæmi Comedie  Françasie, þjóðleikhúss Frakka og fjórir úrvalsleikarar flytja valda  kafla verkinu, þau Arnar Jónsson, Brynhildur Guðjónsdóttir, Ragnheiður  Steindórsdóttir og Þór Tulinius. Bókin kom fyrst út hjá  Gallimard-útgáfunni 1947 og hefur  margoft verið gefin út síðan, síðast 2012, enda er bókin mikið lesin í  Frakklandi og hefur einnig verið notuð í kennslu.

Þýðing Rutar kom út hjá bókaútgáfunni Uglu síðastliðið sumar og mun þetta vera 36. tungumálið sem verkið er þýtt á.

Samsýning  listamannanna Lindu Bjarkar og Rakelar Steinþórsdætra og Johanns  Wimmers opnar í veitingastofum Hannesarholts fimmtudaginn 27.febrúar  kl.17 og stendur til 12.mars.
 

Linda er fædd og uppalin á Íslandi en fluttist til Austurríkis og  hefur búid og starfað þar sidustu 31 ár. Hún notar akryl á striga og  eingöngu spaðatæki. Verk Lindu eru Abstrakt minimaliskt. „Innsýn mín  kemur úr íslenskri náttúru, það eru fossarnir, jöklarnir, birtan og  norðurljósin sem hafa mikil áhrif a mína list“.

Johann er fæddur og uppalinn í Austurríki og býr og starfar í Wels.  Hann er þaulreyndur og virtur ljósmyndari, sem hefur undanfarin ár  starfað með stúdíói sínu wkiphoto.net að auglýsaverkefnum fyrir ýmis  tækifæri að auglýsingaverkefnum fyrir ýmis fyrirtæki. Meðfram  venjubundnum auglæýsingastörfum hefur djúpstæð löngun hans til frelsis  til eigin listköpunar sem ljósmyndari fengið útrás í óskipulögðum ferðum  hans um Evrópu án áfangastaðar, þar sem hann hefur fengið innblástur  frá fólki og landslagi. Verk sín hefur Johann m.a.sýnt á ymsum  alþjóðlegum sýningum

Meðfram venjubundnum auglýsingastörfum hefur djúpstæð lögnun hans um  frelsi til eigin listsköpunar sem ljósmyndari fengið útrás með  óskipulögðum ferðum hans um Evrópu án áfangastaðar, þar hefur hann  fengið innblástur frá fólki og landslagi.
 Verk sýn hefur Johann Wimmer sýnt á ýmsum alþjóðlegum sýningum og við  önnur tækifæri. Við eitt slíkt kynntist hann íslensku listakonunni Lindu  Steinþórsdóttur.

Hugsjón hans í dag ber með sér vilja til að vinna á móti fortíðinni  og gleymsku samtímans, með því vill hann gefa áhorfendum þá tilfiningu í  núinu að til er eitthvað sem aldrei breytist.

Johann tók þátt í “ART DIAGONALE á Korpúlfsstöðum”  sumarið 2017 sem Linda stóð fyrir og ferðaðist um landiði í sex vikur,  tók ljósmyndir og fékk innblástur af íslenskri nátturu. Út frá þessu  verkefni hófst samstarf Lindu og Johanns. Verkin eru afrakstur  mismunandi ferðalaga þeirra um Ísland. Úr varð sjónræn ástarjátning til  andstæðna, mikilfengleika og bersjkaldaðar náttúru landsins.

Linda og Johann hafa verið með samsýningu í Museum Angerlehner, í Thalheim við Wels (WWW.museumangerlehner.at) med verk sem heitir “Foss Foss Seljalandsfoss” og í Sturm & Drang Galleri í Linz ( http://www.sturm-drang.at ).

Samvinnuverk Johanns og Lindu á sýningunni í Hannesarholti eru unnin  þannig að Johann framkallar eða prentar ljósmynd sem tekin er á Íslandi  beint a orginalverk eftir Lindu og í lokin fer Linda aftur med spadan  yfir verkið þannig ad mörg lög myndast vid gerd verksins.

Rakel er fædd og uppalin á Íslandi, hefur búið i Ameríku og  Austurríki, er býr og starfar nú á Íslandi. Rakel notar Akryl á striga  og er hennar stíll Abstrakt expressjónismi. Hún mixar spaða pensil og  dripping tækni i verkum sinum.

Linda og Rakel eru systur, hafa haldið margar samsýningar í gegnum tíðina, en þetta er i fyrsta skipti sem  þær hafa gert verk i samvinnu. Eitt af einkennum Lindu er að verkin  breytast eftir thvi hvernig birtan fellur á þau. Rakel notar siðan  dripping tækni og fullkomnar verkid med útlínum af fólki, sem er eitt af  hennar aðaleinkennum.

Samsýning Linda Björk, Rakel og Johann Wimmer

Gunnar Kvaran og Helga Bryndís Magnúsdóttir halda tónleika til  heiðurs John A. Speight vegna 75 ára afmælis hans í Hljóðbergi  Hannesarholts sunnudaginn 23. febrúar kl.16. Á efnisskránni verður meðal  annars frumflutt verkið Einu sinni var fyrir píanó og celló eftir  afmælisbarnið, sem byggir á röð af örsögum. Einnig leika þau verk eftir  eftir Vivaldi, Bethoven, og Schumann.

Gunnar Kvaran er fæddur í Reykjavík árið 1944. Hann hóf tónlistarnám í  Barnamúsíkskólanum þar sem kennari hans var Dr. Heinz Edelstein. Síðar  stundaði hann nám við Tónlistarskólann í Reykjavík hjá Einari Vigfússyni  og við Tónlistarháskólann í Kaupmannahöfn þar sem kennari hans var  prófessor Erling Blöndal­ Bengtsson. Framhaldsnám stundaði hann hjá  prófessor Reine Flachot í Basel. Gunnar Kvaran kenndi við  Tónlistarskólann í Reykjavík í þrjátíu og fimm ár. Hann var ráðinn  prófessor við tónlistardeild Listaháskóla Íslands haustið 2005 og lét af  því starfi árið 2012. Hann hefur stundað ,auk fastra starfa  ,umfangsmikið tónleikahald bæði heima og erlendis. Hann hefur haldið  einleiks og kammertónleika í mörgum Evrópulöndum, auk Bandaríkjanna og  Kanada og m.a. komið fram í Wigmore Hall í London, Carnegie Hall í New  York, í Beethoven Haus í Bonn og Mendelsohn Haus í Leipzig. Hann er  meðlimur í kammerópnum Tríó Reykjavíkur. Gunnar hefur margsinnis leikið  einleik með Sinfóníuhljómsveit Íslands, komið fram í útvarpi og  sjónvarpi og allmargar hljómplötur og hljómdiskar hafa verið gefnir út  með leik hans. Hann hlaut verðlaun úr sjóði Dr.Gunnars Thoroddsens árið  1990 fyrir tónlistarstörf og var valinn bæjarlistamaður Seltjarnarness  árið 1996. Mörg undanfarin sumur hefur hann verið gestur á hinum ýmsu  tónlistarhátíðum í Bandaríkjunum. Sumurin 1999 og 2000 var honum einnig  boðið að kenna og leika á tónlistarhátíð í Grikklandi. Í desember 2001  var honum boðið að koma fram ásamt Hauki Guðlaugssyni organista á  sérstökum hátíðartónleikun í Vendrell á Spáni, fæðingarbæ Pablo Casals.  Þann dag voru 125 ár liðin frá fæðingu meistarans. Gunnar var sæmdur  Riddarakrossi hinnar íslensku Fálkaorðu í júní 2006.

Helga Bryndís Magnúsdóttir lauk einleikara-og kennaraprófi frá  Tónlistarskólanum í Reykjavík árið 1987 þar sem aðalkennari hennar var  Jónas Ingimundarson. Hún stundaði síðan framhaldsnám við Konservatoríið í  Vínarborg hjá Leonid Brumberg og Sibeliusarakademíuna í Helsinki, hjá  Liisu Pohjola og Tuiju Hakkila. Hún hefur leikið fjölmörg  einleiksprógrömm, m.a. í Salnum í Kópavogi, á Listahátíð í Reykjavík og  um allt land. Hún hefur auk þess leikið einleik með Sinfóníuhljómsveit  Íslands, Sinfóníuhljómsveit Norðurlands og Sinfóníuhljómsveit  áhugamanna, píanókonserta eftir Ravel, Poulenc, Brahms, Gershwin og  Bach. Helga Bryndís lék einleik í beinni sjónvarpsútsendingu á  Norðurlöndunum í spurningaþættinum Kontrapunkti. Hún hefur leikið mikinn  fjölda tónleika með fremstu söngvurum og hljóðfæraleikurum landsins og  hljóðritað marga geisladiska í samstarfi við aðra. Hún er meðlimur í  Caput hópnum og hefur leikið með honum víða erlendis og hér heimavið auk  þess að hafa leikið inn á geisladiska með þeim. Hún hefur einnig gert  upptökur fyrir sjónvarp og útvarp, bæði ein og með öðrum. Hún starfar  sem píanóleikari við Listaháskóla Íslands og Tónlistarskólana í Kópavogi  og Reykjanesbæ.

Gunnar Kvaran og Helga Bryndís - til heiðurs John Speight

Brasilíumennirnir  Pedro Vieira og Daniel Zivko, sem nefna sig Piracema dúóið bjóða uppá  tónleika í Hljóðbergi Hannesarholts fimmtudaginn 13.febrúar 2020.

Þeir Vieira og Zivko eru hámenntaðir tónlistarmenn með langa reynslu  af samleik þar sem þeir tefla saman röddum, klassískum gítar og  rafmagnsgítar og veita innsýn í frjóan, melódískan og hrynbundinn arf  tónskálda eins og Dorival Caymi, Tom Jobim, Chico Buarque og fleiri.

Tónleikar þeirra Vieira og Zivko er hluti af tónleikaferð þeirra um  Evrópu með dagskrá sem þeir kalla Sítio Nascento þar sem þeir fara í  gegnum margar gerðir brasilískrar tónlistar og gefa þar sýnishorn af  mikilli auðlegð og menningarlegri fjölbreytni Brasilíu.

Pedro Vieira and Daniel Zivko Duo The Piracema Duo, formed by  Brazilian Musicians Pedro Vieira (Guitar and Vocals) e Daniel Zivko  (Electric Guitar and Vocals) will be touring through Europe between  January and February 2020 January performing the show “Sítio Nascente”,  where they go through many different styles of Brazilian music, showing a  little bit of the great richness and cultural diversity of Brazil.  Using the interaction between the voices, the Electric Guitar and the  Nylon Guitar, the Duo tries to grasp the vast melodic and rhythmic  repertoire, so rich in Brazilian music, and thereby representing a  glimpse bit of this music’s history, revisiting composers such as  Dorival Caymmi, Tom Jobim, Chico Buarque, amongst so many others.

Pedro Vieira is a singer and guitarist. Graduated in electric guitar  and singing at the Campinas State University, also studied singing and  electric guitar MPB/Jazz at the Tatuí Conservatory, one of the most  respected conservatories in Latin America. He has performed all over  Brazil, and currently lives in Campinas where he plays with many groups  and teaches music.

Daniel Zivko is a guitarist. He started studying music at the age of  7. In 2015 he started studying in the Tatuí Conservatory, playing  electric guitar MPB/Jazz. He has also performed all over Brazil.

Freysteinn Gíslason og Ingi Bjarni Skúlason leika jasstónlist eftir  Freystein á hádegistónleikum í Hannesarholti sunnudaginn 9.febrúar  kl.12.15.

Áhugi Freysteins á bassa kviknaði á Ísafirði þar sem hann ólst upp,  en þar lagði hann stund á rafbassanám í Tónlistarskólanum á Ísafirði.  Árið 2012 útskrifaðist hann úr rafbassanámi úr Tónlistarskólanum F.Í.H.  og sama ár hóf Freysteinn nám í Kontrabassaleik við Koninklijk  Conservatorium í Den Haag í Hollandi og útskrifaðist þaðan árið 2016.  Eftir eitt ár í einkakennslu við sama skóla hóf hann meistaranám í  Kontrabassaleik við Escola superior dé Música de Lisboa (ESML).

Freysteinn hefur spilað á jazzhátiðum víða, þar á meðal á Jazzhátið  Reykjavíkur, í Vilnius í Litháen, Lillehammer í Noregi, á Spáni, í  Þýskalandi og í Portúgal.

Ingi Bjarni lagði stund á jazz-píanó nám í Tónlistarskóla FÍH og  útskrifaðist þaðan árið 2011. Því næst lauk hann bachelor prófi frá  Koninklijk Conservatorium í Den Haag vorið 2016. Tveimur árum síðar lauk  hann sérhæfðu mastersnámi í tónlist sem kallast Nordic Master: The  Composing Musician. Námið fór fram í Gautaborg, Kaupmannahöfn og Osló –  ein önn á hverjum stað. Þar lærði hann meðal annars hjá Misha Alperin,  Anders Jormin og Helge Lien.

Sem tónlistarflytjandi hefur Ingi Bjarni þó nokkrum sinnum komið fram  á Jazzhátíð Reykjavíkur. Einnig hefur hann spilað á alþjóðlegum  jazzhátíðum líkt og ELBJazz í Hamborg, Jazzahead í Bremen og Copenhagen  Jazz Festival. Í stuttu máli mætti segja að Ingi Bjarni hefur leikið  eigin tónsmíðar með fjölda fólks á Íslandi og í Evrópu.

Hann hefur gefið út tvær tríó plötur, Skarkali (2015) og Fundur  (2018). Nýverið kom út platan Tenging (2019) sem er þriðja plata hans og  er tekin upp með kvintett skipuðum tónlistarfólki frá Skandinavíu

Á efnisskránni er tónlist eftir Freystein sem hann hefur samið frá 2011 til dagsins í dag, sem gefur einnig rými fyrir spuna.

Hannesarholt  heldur uppá 7 ára afmæli sjálfseignarstofnunarinnar 8.febrúar kl.16. Í  tilefni af afmælinu verður frumflutt nýtt lag eftir Valgeir Guðjónsson,  við texta eins af ljóðum Hannesar Hafstein. Valgeir nýtur fulltingis  félaga sinna í Þríeykinu, þeirra Vigdísar Völu Valgeirsdóttur og  Magnúsar Oddsonar.

Verið velkomin að fagna með okkur. Léttar veitingar.

Hannesarholt hlúir að innsta kjarna íslenskrar menningar:  sönghefðinni og býður uppá samsöng fyrir alla, unga sem aldna,  íslendinga sem aðflutta, undir stjórn kunnáttufólks. Tvíeykið  Vísur&skvísur leiðir samsönginn sunnudaginn 8. febrúar kl.14. Frítt  fyrir börn í fylgd með fullorðnum, sem greiða 1000 króna aðgangseyri.  Textar birtast á tjaldi og allir taka undir.

Vísur&skvísur samanstendur af þeim Vigdísi Hafliðadóttur og  Þorgerði Ásu Aðalsteinsdóttur, en þær hafa báðar stundað nám við Norræna  Vísnasöngskólann í Kungälv í Svíþjóð. Á heimaslóðum vilja þær nú færa  löndum sínum fagnaðarerindið: Vísnasöng, þar sem í samtali við  áhorfendur eru flutt lög úr ýmsum (oftast norrænum) áttum sem spanna  breidd tilfinninga þar sem textinn hefur ekki síðra vægi en laglínan.  Þær héldu fyrst samsöng í Hannesarholti á síðstu önn.

Hátíðin  „Dagar Serbneskrar Menningar“ verður haldin í þriðja sinn á Íslandi,  dagana 31. janúar til 2. febrúar 2020. Aðalskipuleggjandi þessarar  hátíðarinnar er Serbnesk Menningarmiðstöð á Íslandi í samvinnu við  Utanríkisráðuneyti Serbíu (Directorate for Cooperation with Diaspora and  Serbs in the Region), Menningarmiðstöð Kópavogs og Hannesarholt ses.

Serbía er staðsett á krossgötum Balkanskaga, þar sem austrið mætir  vestrinu og á Serbía því mikinn og ríkan menningararf sem varðveittur er  af Serbnesku þjóðinni, sjálfsmynd og ímynd hennar.

Í ár eru „Dagar Serbneskrar Menningar“ tileinkaðir serbneskri  tónlist. Á hátíðinni verður flutt tónlist á rótgrónum hljóðfærum  serbnesku þjóðarinnar, þ.á.m. trompeti, flautu, sekkjapípu og tvöfaldri  flautu. Á hátíðinni verður einnig boðið upp á fyrirlestur um serbneska  tónlist og hljóðfæri, flautusmíði auk tónleika með serbneskri  þjóðartónlist.

Hátíðin „Dagar Serbneskar Menningar“ verður formlega sett þann  31.janúar 2020 kl. 19.30 í Salnum í Kópavogi með fjölbreyttri dagskrá.

Hanna Hlíf Bjarnadóttir opnar sýningu á málverkum sínum í Hannesarholti, Grundarstíg 10 laugardaginn 1. febrúar kl 15.

Hanna Hlíf stundaði nám í myndlist við fagurlistabraut  Myndlistarskólans á Akureyri 2003-2006. Hún hefur tekið þátt í  samsýningum og haldið nokkra einkasýningar síðan hún útskrifaðist. Hanna  Hlíf var einn af stofnendum gallerís Skúmaskots 2012 og rak Gallerí Box  á Akureyri á árunum 2004 – 2007. Hún er einn af höfundum  matreiðslubókar fyrir grænkera – Eldhús grænkerans – sem út kom 2016.  Hanna Hlíf er gestaskrifari síðunnar Hámarksheilsa og heldur úti  facebook-síðunni Eldhús grænkerans.

Málverkin á sýningunni bera ástríðu Hönnu Hlífar fyrir að mála og  elda ríkulegan vott. Í nýlegu viðtali í Morgunblaðinu segir hún m.a. um  myndirnar: ,,Ég starfaði um tíma sem gestapenni hjá tímaritinu  Gestgjafinn og rakst á búnka af blöðum sem ég hafði gert uppskriftir  fyrir – og þeim fylgja fallegar ljósmyndir. Þá kviknaði hugmynd að mála  matinn minn, enda er ég alltaf að hgusa um mat. Þetta varð því eðlileg  tenging við það sem mér finnst einna skemmtilegast að gera, að mála,  elda og baka.‘‘ Myndirnar eru málaðar á þessu og síðasta ári. Allar  myndirnar á sýningunni eru til sölu og viðeigandi uppskrift fylgir með  hverju verki.

Sýningin í Hannesarholti er opin alla daga nema mánudaga kl. 11:30 –  17:00 og fimmtudaga er opið lengur eða til kl. 22:00. Henni lýkur 26.  febrúar.

ENGLISH BELOW!
 (Við viljum vekja athygli á að hægt er að kaupa 3 eða fleiri miða á tónleika Myrkra músíkdaga á Tix.is með 20 % afslætti.)

Dúó Freyja heimsfrumflytur dúetta fyrir fiðlu og víólu eftir sex  íslenskar konur í Hannesarholti fimmtudaginn 30.janúar kl.17.00 á Myrkum  músíkdögum.

Dúó Freyju skipa þær Rannveig Marta Sarc, fiðluleikari og Svava  Bernharðsdóttir, víóluleikari. Á tónleikunum frumflytja þær dúetta eftir  Misti Þorkelsdóttur, Elínu Gunnlaugsdóttur, Ingibjörgu Ýr  Skarphéðinsdóttur, Báru Grímsdóttur, Hildigunni Rúnarsdóttur og Maríu  Huld Markan Sigfúsdóttur.

Báðar stunduðu þær nám við Juilliard skólann í New York og eru  mæðgur. Þær hafa verið ötulir flytjendur samtímatónlistar en spila  einnig mikið kammertónlist svo og forntónlist á upprunahljóðfæri. Svava  er fastráðin við Sinfóníuhljómsveit Íslands. Hún hefur gefið út tvo  geisladiska, sá seinni Svaviola II er með íslenskum verkum fyrir víólu  og píanó. Rannveig Marta hefur unnið til fjölda verðlauna og spilað sem  einleikari með hljómsveitum.

——-
 (By buying 3 or more tickets at Dark Music Days you get 20 % discount)

World premiere of six duos for violin and viola by Icelandic female composers.

Duo Freyja consists of violinist Rannveig Marta Sarc and violist  Svava Bernharðsdóttir. In this concert they premiere duos by Mist  Þorkelsdóttir, Elín Gunnlaugsdóttir, Ingibjörg Ýr Skarphéðinsdóttir,  Bára Grímsdóttir, Hildigunnur Rúnarsdóttir and María Huld Markan  Sigfúsdóttir.

Duo Freyja consists of Rannveig Marta Sarc, Slovene-Icelandic  violinist and Svava Bernharðsdóttir, Icelandic violist. They are  graduates of The Juilliard School and also mother and daughter. Both are  active performers of contemporary music as well as chamber music and  early music. Ms Bernharðsdóttir is a member of The Iceland Symphony  Orchestra and has released two CDs – Svaviola II containing Icelandic  music for viola and piano. Ms Sarc has won many prizes and performed as  soloist with orchestras.

Oddur Arnþór og Bjarni Frímann flytja ljóðasöngva Hugo Wolf við texta  Eduard Mörike á hádegistónleikum í Hannesarholti sunnudaginn 26.janúar  kl.12.15.

ODDUR ARNÞÓR JÓNSSON hlaut Íslensku tónlistarverðlaunin 2018 sem söngvari ársins fyrir hlutverk sitt í Brothers, margverðlaunaðri óperu Daníels Bjarnasonar. Hann var útnefndur Bjartasta vonin á Íslensku tónlistarverðlaununum 2014 fyrir hlutverk sitt í Don Carlo, sem var frumraun hans í Íslensku óperunni.

Oddur hefur sungið fjölda óperuhlutverka við Íslensku óperuna og ber þar helst að nefna Don Giovanni, Figaro í Rakaranum frá Sevilla og Rodrigo í Don Carlo. Meðal annarra óperuhlutverka sem hann hefur sungið eru Wolfram í Tannhäuser, Schaunard í La bohème og Prins Yeletsky í Pique Dame.

Sem ljóðasöngvari hefur hann meðal annars flutt Das Lied von der Erde eftir Gustav Mahler í Garnier-óperunni í París, Vetrarferðina og Schwanengesang á Schubert hátíðinni í Vilabertran á Spáni.

Oddur hefur hlotið fjölda viðurkenninga í alþjóðlegum ljóðakeppnum.  Hann fékk Schubert verðlaunin og verðlaun sem besti ljóða- og óratóríu  flytjandinn í Francesc Viñas keppninnni í Barcelona. Hann sigraði  Brahms-keppnina í Pörtschach í Austurríki og varð þriðji í Schubert  keppninni í Dortmund, Þýskalandi.

Bjarni Frímann Bjarnason er  aðstoðarhljómsveitarstjóri Sinfóníuhljómsveitar Íslands og hefur  stjórnað hljómsveitinni við ýmis tækifæri. Hann tók við stöðu  tónlistarstjóra Íslensku óperunnar í janúar 2018 og hefur stjórnað  uppfærslum hennar á Toscu, Hans og Grétu, La Traviata, Brothers og Brúðkaupi Fígarós.

Bjarni Frímann stundaði fiðlunám hjá Lilju Hjaltadóttur og Guðnýju  Guðmundsdóttur og lauk prófi í víóluleik frá Listaháskóla Íslands. Árið  2009 bar hann sigur úr býtum í einleikarakeppni Listaháskóla Íslands og  Sinfóníuhljómsveitar Íslands og lék í framhaldinu víólukonsert Bartóks  með sveitinni á tónleikum. Að því loknu stundaði hann nám í  hljómsveitarstjórn undir handleiðslu Fred Buttkewitz við Hanns  Eisler-tónlistarháskólann í Berlín.

Bjarni hefur komið fram víðsvegar um Evrópu, bæði sem strengja- og  hljómborðsleikari. Hann hefur stjórnað mörgum af fremstu hljómsveitum á  Íslandi, meðal annars Sinfóníuhljómsveit Íslands, Kammersveit  Reykjavíkur, CAPUT og Sinfóníuhljómsveit unga fólksins. Þá hefur hann  samið tónlist fyrir leikhús og kvikmyndir bæði hérlendis og erlendis.  Bjarni Frímann hefur seinni ár komið víða fram sem píanóleikari með  söngvurum og sem kammertónlistarmaður m.a. í Berlínarfílharmóníunni og  Konzerthaus í Vínarborg.

Árið 2012 vann Bjarni Frímann fyrstu verðlaun í Hanns  Eisler-keppninni í Berlín fyrir frumflutning á píanótilbrigðum eftir  Viktor Orra Árnason. Hann var útnefndur Bjartasta vonin á Íslensku  tónlistarverðlaununum 2016. Sama ár stjórnaði hann flutningi á óperunni UR eftir  Önnu Þorvaldsdóttir við óperuna í Osló, í Chur og Basel og á Listahátíð  í Reykjavík. Árið 2016–2017 stjórnaði Bjarni Frímann  hljómsveitartónleikum með Björk Guðmundsdóttur í Mexíkóborg,  Fílharmóníunni í Los Angeles og í Hörpu.

Hádegistónleikar - Oddur, Bjarni, Wolf og Mörike

Prelúdía á páskum - Ólöf Sigursveins leikur Bach

Syngjum Saman með Ellen og Eyþóri

Ólöf Sigursveins og Einar Bjartur í beinni

Guðrún Árný í beinni frá Hannesarholti

Snærið í beinni frá Hannesarholti

Syngjum Saman með Svavari Knúti

Syngjum Saman með Ómari Ragnarssyni

Fegurð og fögnuður - Vignir Jóhannsson

Tónleikasögustund með Herdísi Hallvarðs og Gísla Helga

Stílæfingar eftir Raymond Queneau

Samsýning Linda Björk, Rakel og Johann Wimmer

Gunnar Kvaran og Helga Bryndís - til heiðurs John Speight

Piracema duo - Sítio Nascente

Hádegistónleikar - Freysteinn og Ingi

7 ára afmæli Hannesarholts

Syngjum Saman með Vísum og Skvísum

Serbnesk Þjóðartónlist

Veisla - Hanna Hlíf Bjarnadóttir

Myrkir Músíkdagar - Dúó Freyja

Hádegistónleikar - Oddur, Bjarni, Wolf og Mörike